У Бразіліі пабудуюць самы высокі жылы хмарачос у свеце
Бразільская мастачка Лалалі Сена прадставіла канцэпт Вежы «Сена» (Senna Tower) — хмарачоса вышынёй 500 метраў, які ў выпадку паспяховай рэалізацыі стане самым высокім будынкам у краіне і самым высокім жылым хмарачосам у свеце.
19.09.2024 / 22:12
Рэндар вежы Сены / © Lalalli Senna
Праект плануе рэалізаваць кампанія FG Empreendimentos са штата Санта-Катарына. Чакаецца, што будаўніцтва хмарачоса пачнецца ў другой палове 2025 года.
Рэндар вежы Сены / © Lalalli Senna
Вежа «Сена» з'явіцца ў муніцыпалітэце Балнеарыу-Камборыу ў штаце Санта-Катарына.
Хмарачос будзе мець прамавугольную форму з незвычайным падмуркам — канструкцыяй з аркамі, шклянымі купаламі і багатай трапічнай расліннасцю. Бюджэт праекта складзе каля 500 мільёнаў даляраў ЗША
У 500-метровай вежы размесцяцца 228 кватэр, уключаючы чатыры двухузроўневыя пентхаусы агульнай плошчай 903 квадратныя метры.
Будынак будзе названы ў гонар легендарнага аўтагоншчыка, чэмпіёна свету сярод пілотаў «Формулы-1» у 1988, 1990 і 1991 гадах Айртана Сены. Спартсмен трагічна загінуў у 1994 годзе ва ўзросце 34 гадоў, але ягоная постаць працягвае натхняць бразільцаў і фанатаў аўтаспорту па ўсім свеце.
Стваральніца праекта Senna Tower Лалалі Сена — пляменніца аўтагоншчыка.
Рэндар вежы Сены / © Lalalli Senna
Сёння статус самага высокага жылога хмарачоса ўтрымлівае нью-ёркская вежа 432 Park Avenue. Яе вышыня складае 472 метры.
Самы высокі будынак Мінска дасягнуў 42 паверха
У Саудаўскай Аравіі мерацца пабудаваць двухкіламетровы хмарачос
Японія плануе пабудаваць цалкам аўтаномны плаваючы горад на 40 тысяч чалавек