У Саудаўскай Аравіі мерацца пабудаваць двухкіламетровы хмарачос
Архітэктурная кампанія з Вялікабрытаніі працуе над праектам самага высокага ў свеце хмарачоса, які будзе ўдвая вышэйшы за цяперашняга рэкардсмена, паведамляе выданне Architects' Journal.
Гэты праект меркавана будзе каштаваць $2 млрд, і яго падтрымлівае публічны інвестыцыйны фонд Саудаўскай Аравіі.
Будынак у сталіцы краіны Эр-Рыядзе дасягне вышыні 2000 метраў і будзе больш чым удвая вышэйшым за «Бурдж-Халіфу» (828 м) у Дубаі, які пабудавалі ў 2010 годзе.
У праекце гэтага незвычайнага хмарачоса, акрамя яго ініцыятараў (брытанская кампанія Foster + Partners), удзельнічаюць шэраг іншых вядомых архітэктурных фірмаў. Будаўніцтва пачнецца на ўчастку, размешчаным недалёка ад міжнароднага аэрапорта «Кароль Салман», на поўнач ад сталіцы Саудаўскай Аравіі.
Дарэчы, кампанія Foster займаецца рэканструкцыяй гэтага і яшчэ трох аэрапортаў у Саудаўскай Аравіі. Скептыкі праекта, аднак, задаюцца пытаннем, як будзе арганізаваная ў будынку пажарная бяспека і што будзе, калі адчыніць акно на вышыні 2 км. Незразумела таксама, як для такога аграмаднага будынка арганізаваць належны падмурак.
Цікава пры гэтым, што акурат цяпер у той жа Саудаўскай Аравіі паблізу горада Джыда будуецца вежа Jeddah Tower, якая павінна стаць 1000-метровым хмарачосам. Новы праект адразу мае зацяніць стары.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары