Sakretnaja słužba ZŠA ŭsurjoz zaniałasia Iłanam Maskam. Usio z-za adnaho tvita
«Mahčyma, Mask dajhraŭsia».
20.09.2024 / 08:54
Iłan Mask. Fota: AP
Jak paviedamlaje ahienctva Bloomberg, Sakretnaja słužba ZŠA raspačała rasśledavańnie ŭ adnosinach da miljardera Iłana Maska paśla jahonaj publikacyi ŭ Ch za 16 vieraśnia, dzie toj zajaviŭ, što «nichto navat nie sprabuje zabić Džo Bajdena ci Kamału Charys».
Hety dopis Mask pakinuŭ u adkaz na pytańnie adnaho z karystalnikaŭ X: «Čamu jany sprabujuć zabić Trampa?». Adbyvaŭsia hety dyjałoh adrazu paśla druhoj sproby zamachu na kandydata ŭ prezidenty ZŠA Donalda Trampa.
Praź niekatory čas dopis byŭ vydaleny, ale zachavaŭsia skrynšot.
Adkaz Iłana Maska na pytańnie adnaho z karystalnikaŭ X, čamu Trampa chočuć zabić. Miljarder z zadumlennym smajlikam napisaŭ, što «nichto navat nie sprabuje zabić Džo Bajdena ci Kamału Charys».
«Paźniej Mask vydaliŭ post i zajaviŭ, što heta byŭ žart. Ale heta ŭžo bačyli dziasiatki miljonaŭ ludziej, uklučajučy Sakretnuju słužbu. Ciapier viedamstva ładzić śpiecyjalnaje rasśledavańnie kab vyznačyć, ci ŭjaŭlaje Mask niepaźbiežnuju pahrozu dla adnaho z kandydataŭ u prezidenty. Pahrozy prezidentu abo vice-prezidentu ZŠA (jakimi ciapier źjaŭlajucca Bajden i Charys) — heta złačynstva, jakoje moža panieści za saboj bujny štraf abo pakarańnie da piaci hadoŭ turemnaha źniavoleńnia», — adznačaje Bloomberg.
Zrešty, ahienctva dapuskaje, što chutčej za ŭsio Mask patłumačyć Sakretnaj słužbie, što nie mieŭ na ŭvazie ničoha surjoznaha ŭ svajoj publikacyi, i dla jaho nie budzie surjoznych nastupstvaŭ.
Chto tyja miljardery, jakija stajać za Trampam i Charys?
Iłan Mask: Mianie dvojčy sprabavali zabić za apošnija vosiem miesiacaŭ
Ramzan Kadyraŭ praciahnuŭ sieryjał pra Tesla Cybertruck z kulamiotam ad Iłana Maska