Pratasievič: U nas u cechu mužyki-zvarščyki zarablajuć pa 9-10 tysiač rubloŭ
Eks-redaktar Nexta pachvaliŭsia zarobkami na Minskim elektratechničnym zavodzie imia Kazłova.
20.09.2024 / 09:53
Zvarščyk Raman Pratasievič u Dubai. Fota ź jaho telehram-kanała
«Spakojna pracuju elektrazvarščykam na Minskim elektratechničnym zavodzie. Rabota składanaja, ale patrebnaja, mužčynskaja. Zarobak dobry, pačatkoŭcam-ajcišnikam i nie śniŭsia: z «nula» praz 3 miesiacy navučańnia — da 2500 rubloŭ. Možna narmalna žyć», — raskazaŭ Raman Pratasievič u razmovie z prapahandystam Ryhoram Azaronkam.
«U nas u cechu mužyki-zvarščyki zarablajuć pa 9—10 tysiač. Im hetaja palityka [i frazy] «režym voś-voś ruchnie» naohuł nie patrebny. Jany atrymlivajuć dobryja hrošy, kormiać siemji, dumajuć pra budučyniu. Uvieś kalektyŭ zacikaŭleny sumlenna zarablać», — zapeŭniŭ Azaronka Pratasievič.
Jon patłumačyŭ, što tamu i pajšoŭ u zvarščyki, bo tam dobra płaciać.
Jak Pratasievič bavić čas u Dubai? ŠMAT FOTA
Pratasieviču admianili hihancki štraf, i jon palacieŭ na adpačynak u Dubaj
Kolki atrymlivajuć zvarščyki na zavodzie, dzie pracuje Pratasievič?