Dniami stała viadoma, što eks-redaktaru Nexta Ramanu Pratasieviču admianili raniej pryznačany šmatmiljonny štraf, i jon razam z žonkaj zmoh palacieć u adpačynak u Dubaj. Pahladzieli, jak Pratasievič bavić čas u svoj pieršy vyjezd za miažu z 2021 hoda — kali biełaruskija ŭłady hvałtoŭna pasadzili samalot kampanii Ryanair, kab zatrymać Pratasieviča i Safiju Sapieha.
Fotazdymkami Pratasievič dzielicca ŭ svaim telehram-kanale i storyz.
Adnym ź pieršych punktaŭ jon naviedaŭ Muziej budučyni, dzie acaniŭ najaŭnaść vialikaj kolkaści «instahramnych łakacyj».
Paśla hetaha, jak bolšaść turystaŭ u takich krajach, zabraŭsia na dach samaha vysokaha ŭ śviecie budynka — Burdž-Chalifa (jaho vyšynia składaje 828 mietraŭ).
U Abu-Dabi, stalicy Abjadnanych Arabskich Emirataŭ, Pratasievič nie prajšoŭ mima tamtejšaha Łuŭra.
Ale maksimum radasnych emocyj jon adčuŭ ad naviedvańnia aficyjnaj kramy lubimaha futbolnaha kłuba — «Livierpula». Tam jon krychu pašopiŭsia i nabyŭ sabie brendavanyja cišotku i kiepku.
Nahadajem, sud pastanaviŭ spahnać z Ramana Pratasieviča, Jana Rudzika i Ściapana Puciły štraf pamieram 24,5 miljona rubloŭ. Ale Pratasievič raspavioŭ, što niejki čas tamu padaŭ apielacyju, i jamu dazvolili nie płacić hetyja hrošy.
«Ja padaŭ apielacyju, i mnie skasavali hety štraf. Usio sumlenna, usio zakonna. Heta była aficyjnaja pracedura. Była apielacyja, byli asobnyja sudovyja pasiadžeńni. Ja pryvioŭ, jak akazałasia, dastatkovuju kolkaść arhumientaŭ dla taho, kab hety vielizarny, ja b navat skazaŭ astranamičny, štraf admianili», — adznačyŭ Pratasievič.
Pratasievič arhumientavaŭ svaju pazicyju tym, što nie pavinien nieści adkaznaść u adzinočku va ŭmovach, kali Puciła i Rudzik znachodziacca za miažoj.
U Minsku Pratasievič ciapier pracuje elektrazvarščykam. Paralelna padaŭ dakumienty dla adnaŭleńnia na zavočnaje adździaleńnie fakulteta žurnalistyki BDU.
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»31
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary
Vo jak praź viek historyja paŭtarajecca
achreniec