«Barysaŭdreŭ» vypuściŭ zapałki z mudrymi dumkami
Pradpryjemstva «Barysaŭdreŭ» vypuściła sieryju zapałkavych karabkoŭ z mudrymi dumkami i cytatami. Ich zaŭvažyŭ čytač vydańnia Ex-press.by. Tym samym, jak akazałasia, vytvorcy chočuć «padbadzioryć pakupnikoŭ, padniać nastroj, nastroić na pazityŭ».
20.09.2024 / 20:51
Jak raskazaŭ raniej načalnik upraŭleńnia prodažaŭ i zabieśpiačeńnia AAT «Barysaŭdreŭ» Uładzimir Padymaka «Minskaj praŭdzie», takimi cytatami vytvorcy chočuć «padbadzioryć pakupnikoŭ, padniać nastroj, nastroić na pazityŭ».
Fota: mlyn.by
Na karabkach možna pračytać: «Zrabi svaje mary macniejšymi za svaje strachi», «Zharajučy sam — śviaci inšym», «Čym ciažejšy padjom, tym pryhažejšy vid!», «Nie čakaj asablivych momantaŭ, stvaraj ich sam!», «Siabroŭ vybirajem my sami, ale najlepšych pakidaje čas!», i šmat inšych fraz.
Darečy, na «Barysaŭdrevie» raspracavana ŭžo bolš za 10 sieryj tematyčnych dyzajnaŭ karabkoŭ. Pieršaja sieryja — «Hierby haradoŭ Biełarusi» — vyjšła ŭ 2015 hodzie. Adna z apošnich — sieryja karabkoŭ na temu kibierbiaśpieki.
Čamu moładź zamianiaje śviečki na tortach zapałkami
Padviała cikaŭnaść. U Rečycy treciakłaśnik adnoj zapałkaj zdoleŭ spalić aŭtamabil
Na aŭkcyjon vystavili ŭnikalny łot: barysaŭskija zapałki, što pieražyli vajnu
Ci zmožacie vy zapoŭnić šklanku pry dapamozie zapałak — hałavałomka dla amataraŭ fiziki