Padviała cikaŭnaść. U Rečycy treciakłaśnik adnoj zapałkaj zdoleŭ spalić aŭtamabil
Niejak viečaram u Rečycy ź niejkaj pryčyny zahareŭsia i vyhareŭ daščentu aŭtamabil «Folksvahien Džeta». Pa słovach uładalnicy, mašyna była spraŭnaj.
Spačatku adpracoŭvałasia viersija ab padpale. Ale nichto i vykazać zdahadku nie moh, što padpalščykam akažacca treciakłaśnik.
Pa słovach chłopčyka, u toj viečar pa darozie dadomu jon znajšoŭ pušku z zapałkami. Pa darozie dachaty dastavaŭ pa adnoj zapałcy, čyrkaŭ i kidaŭ u bok.
Kali prachodziŭ mima stajanki, jaho ŭvahu pryciahnuŭ adzin aŭtamabil. Adrazu vyznačyć jaho marku nie zmoh, tamu vyrašyŭ padyści bližej i pahladzieć na značok. Było ciomna, i padletak vyrašyŭ padśviacić značok zapałkaj.
Čyrknuŭ, padnios ahoń da rašotki radyjatara, ale, mabyć, zanadta blizka — ahoń trapiŭ pad kapot, i zaharełasia ŭnutranaja ašaloŭka. Chłopčyk spałochaŭsia i ŭciok.
Uličvajučy ŭzrost «piramana», u zaviadzieńni kryminalnaj spravy budzie admoŭlena. Ale pytańnie z kampiensacyjaj koštu zharełaha aŭto baćkam chłopčyka pryjdziecca vyrašać, piša primenews.by.
Kamientary