Kinafest «Paŭnočnaje źziańnie» sioleta budzie viartać nas da karanioŭ
X Fiestyval kino Paŭnočnych i Bałtyjskich krain «Paŭnočnaje źziańnie» adbudziecca z 4 pa 21 listapada. Jon budzie pryśviečany temie pošuku svajoj identyčnaści praź pieraasensavańnie minułaha i viartańnie da karanioŭ.
20.09.2024 / 21:13
Słohan i asnoŭny lejtmatyŭ jubilejnaha «Paŭnočnaha źziańnia» — «Viarnucca da karanioŭ». Hetaja kancepcyja pierahukajecca z papiarednimi: «Jak doma» z 2022 hoda i «Uvaha adlehłaść» z 2023-ha.
Kinafiestyval u kancepcyi hetaha hoda nie daje niejkija dakładnyja adkazy, što takoje «karani» ci «identyčnaść», chutčej zaklikaje parazvažać, pazadavać sabie pytańni, paŭspaminać, moža pryhadać niejkija biełaruskija słovy, jakija kazała babula. Heta adbiłasia i ŭ trejlery «Źziańnia-2024».
Kinafiestyval projdzie ŭ hibrydnym farmacie: afłajn u Talinie, Vilni i Varšavie, a taksama biaspłatna ŭ anłajn pa ŭsim śviecie. Napieradzie šmat poŭnamietražnaha i karotkamietražnaha, ihravoha i dakumientalnaha kino roznych žanraŭ z Paŭnočnych i Bałtyjskich krain, Biełarusi i Ukrainy.
Sačyć za navinami festu vy možacie ŭ sacyjalnych sietkach prajekta FB, Instagram, Telegram.
A taksama možna zrabić danat, kab «Źziańnie» jašče minimum 10 hadoŭ było vašym aryjenciram u śviecie hodnych filmaŭ.
Čatyry biełaruskija filmy, jakija vy nie bačyli
«Kali ŭ kinateatry stajać čerhi, ni ŭ kaho nie budzie pytańnia, ci jość biełaruskaje kino, ci niama»
Jakija filmy pieramahli na kinafiestyvali «Paŭnočnaje źziańnie» i jaki staŭ samym papularnym