Kamała Charys na nastupnym tydni sustreniecca ź Zialenskim
20.09.2024 / 21:45
«Prezident Bajden i ja jasna zajavili: naša addanaść ukrainskamu narodu, jaki zmahajecca za svaju svabodu, źjaŭlajecca niepachisnaj», — adznačyła Charys u sietcy X.
Kamała Charys i Uładzimir Zialenski na Miunchienskaj kanfierencyi ŭ lutym 2024 hoda. Fota: Ukrainian Presidency/Handout/Anadolu via Getty Images
U svaim tradycyjnym viačernim zvarocie Uładzimir Zialenski taksama paviedamiŭ, što idzie aktyŭnaja padrychtoŭka da pieramoŭ u ZŠA.
«My zaŭsiody budziem udziačnyja Amierycy za padtrymku našaj niezaležnaści. Ukraina raźličvaje na hetuju padtrymku», — padkreśliŭ Zialenski.
Padčas vizitu budzie pradstaŭleny płan umacavańnia Ukrainy dla nabližeńnia pieramohi i spraviadlivaha miru.
Raniej 45-y prezident ZŠA i kandydat na nastupnych vybarach Donald Tramp taksama zajaviŭ, što moža pravieści sustreču z Uładzimiram Zialenskim na nastupnym tydni, kali toj prybudzie na pasiadžeńnie Hienieralnaj Asamblei AAN u Ńju-Jorku.