Bild paviedamiŭ, što Zialenski dapuskaje spynieńnie ahniu — u ofisie prezidenta Ukrainy heta nazvali fejkam
Bild napisaŭ ab płanie pieramohi Ukrainy sa spynieńniem ahniu, u Zialenskaha taki płan abvierhli.
Niamieckaje vydańnie Bild napisała, što prezident Ukrainy Uładzimir Zialenski hatovy prapanavać Rasii spynieńnie ahniu na niekatorych častkach frontu, ale daradca prezidenta pa kamunikacyjach Dźmitryj Litvin u kamientary «Ukrainskaj praŭdzie» heta abvierh.
Zhodna z Bild, Zialenski ŭ bližejšyja tydni pajedzie ŭ ZŠA, kab pradstavić svaju stratehiju prezidentu Džo Bajdenu, a taksama kandydatam u prezidenty Kamale Charys i Donaldu Trampu.
Vydańnie piša, nibyta prapanova ŭklučaje jak patrabavańnie dazvolić udary zachodnim dalnabojnym uzbrajeńniem uhłyb Rasii, tak i hatoŭnaść Ukrainy pahadzicca na łakalnaje spynieńnie ahniu na peŭnych učastkach frontu – i, takim čynam, na časovaje zamarožvańnie situacyi.
Dźmitryj Litvin zapeŭnivaje, što heta niapraŭda, i niamieckaje vydańnie nie mahło bačyć hety dakumient.
«Bild raspaŭsiudziŭ fejk. Płan pieramohi Bild nie bačyŭ, i z tych niekalkich ludziej, jakija na siońnia ŭciahnutyja prezidentam u padrychtoŭku płana pieramohi, nichto z Bild nie havaryŭ. Minsk-3 ci luby inšy farmat nichto rasijanam nie padoryć. Ukraina suprać luboj zamarozki vajny, i na ŭsich uzroŭniach ułady Ukrainy pra heta havorać. I dla nas važna, kab Złučanyja Štaty padtrymali mienavita płan pieramohi Ukrainy, a nie kapitulacyi ci zamarozki.
Płan pieramohi budzie pradstaŭleny spačatku mienavita Złučanym Štatam, tamu što Złučanyja Štaty zdolnyja zabiaśpiečyć jaho realizacyju», — skazaŭ surazmoŭca.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»18
Kamientary
Jeśli za «peramohu» vydať sochranienije tiech 80% tierritorij, čto ostaliś pod kontrolem Kijeva, to eto koniečno druhoje dieło.