Інфармацыя пра закрыццё Comedy Club аказалася жартам
Нядаўна расійскі тэлеканал ТНТ паведаміў пра закрыццё шоу Comedy Club, якое выходзіла ў эфір на працягу 19 гадоў. Але аказалася, што гэта ўсё своеасаблівы гумар.
21.09.2024 / 16:29
У пачатку новага выпуску Comedy Club 20 верасня, які анансаваўся як фінальны, крэатыўны прадзюсар праграмы Гарык Харламоў спачатку пацвердзіў, што шоу закрываецца. Аднак затым ягоны калега Павел Воля дадаў: «Бывай, стары Comedy Club. І прывітанне новаму, 20-му сезону Comedy Club».
Крэатыўная каманда праекта патлумачыла, што навіны пра закрыццё насамрэч былі анонсам новага, 20-га сезона шоу.
19 верасня «Газпрам-медыя холдынг» паведаміў пра рашэнне закрыць Comedy Club, і гэтую інфармацыю пацвердзілі ў прэс-службе тэлеканала ТНТ.