«Nieŭźlinhiejt»: litoŭski palitołah znajšoŭ ahulnaje pamiž napadam na rasijskich apazicyjanieraŭ i pravakacyjami suprać biełarusaŭ
Nie zatuchaje skandał z abvinavačvańniami rasijskaha aliharcha Leanida Nieŭźlina ŭ arhanizacyi napadaŭ na rasijskich apazicyjanieraŭ za miažoju. Litoŭski palitołah Vicis Jurkonis u efiry LRT prakamientavaŭ «nieŭźlinhiejt», zakranuŭšy i biełaruskija padziei.
22.09.2024 / 13:30
Na biełaruskaj kramie Kropka ŭ Vilni pa-litoŭsku napisali «Viartajciesia dadomu, biełaruskija śvińni»
Jurkonisa spytali pra mahčymuju matyvacyju dziejańniaŭ Nieŭźlina. Palitołah zaŭvažyŭ, što ciapier, napeŭna, rana kazać pra matyvacyju, ale možna padkreślić, što peŭnyja prykmiety raspalvańnia nianaviści pačali vyjaŭlacca ŭžo niekatory čas tamu: kietčupam ablili Šandaroviča, na płoščy Jeŭropy ŭ dni samitu NATA padpalili makiet ŠIZA Navalnaha.
«Užo tady byli peŭnyja epizody, jakija vyklikali tryvohu, — niekatoryja ludzi ličyli, što mohuć čynić spraviadlivaść biez pravaachoŭnych orhanaŭ. Mnie padajecca, što heta zaachvociła niekatorych ludziej adčuć siabie navat vyšej za pravaachoŭnyja orhany. Usio heta nahadvaje časy dzievianostych…» — skazaŭ jon.
Jurkonis taksama zaŭvažyŭ, što, napeŭna, adnosiny ŭ Litvie vyśviatlaje nie tolki rasijskaja apazicyja.
«Peŭnaje pačućcio nieabaronienaści jość i ŭ toj ža biełaruskaj supolnaści, jakoj stralali ŭ šyby, na jakuju byli peŭnyja napady.
Niama sumnievaŭ u tym, što Kreml i biełaruski režym sprabujuć vyklikać pačućcio tryvohi jak u biełaruskaj, tak i ŭ rasijskaj demakratyčnaj supolnaści», — skazaŭ jon.
Jurkonis zaŭvažyŭ, što Litva robić usio, kab harantavać biaśpieku i prytułak demakratam z Rasii i Biełarusi. Na jaho dumku, litoŭskaja dziaržava, «lepš za inšych u Jeŭrasajuzie moža acanić toje, što adbyvajecca ŭ Rasii i ŭ Biełarusi».
Leanid Nieŭźlin nazvaŭ rasśledavańnie FBK «źlapanym u Maskvie źlivam»
U Polščy aryštavali mierkavanaha arhanizatara napadu na rasijskaha apazicyjaniera Leanida Vołkava
Kaho ź biełaruskaj apazicyi padtrymlivaje rasijski miljanier Nieŭźlin?