Купалаўцы зняліся ў фільме пра 1930-я. Прэм'ера заўтра
У фільме рэканструяваны некалькі рэальных гісторый людзей.
25.09.2024 / 10:18
Кадр з фільма «Лес». Скрын трэйлера: Homiel_history / YouTube
Фільм зняла рэжысёрка з Гомеля Марыя Булавінская. Ён складаецца з некалькіх гісторый пра людзей, расстраляных саветамі ў Чонках пад Гомелем. Аднаму з іх — чыноўніку з Гомеля — пашчасціла выжыць.
Пра тое, што ў Чонкаўскім лесе НКВД праводзіла масавыя расстрэлы людзей, сведчаць вынікі археалагічных раскопак 1995 года. Але ў 2021 годзе пасля таго, як у ім правялі раскопкі ўдзельнікі 52-га пошукавага батальёна Міністэрства абароны, пракуратура назвала гэтае месца помнікам генацыду беларускага народу часоў нямецкай акупацыі.
У 2022-м у дакументах гомельскіх чыноўнікаў усплыла інфармацыя пра некалькі брацкіх магіл 1937 года ў тым лесе, але ўлады паспяшаліся назваць гэта памылкай і выдалілі тыя дакументы з агульнага доступу.
Падчас здымак. Фота прадстаўлена аўтарамі.
У дакументальным фільме зняліся Алег Гарбуз, Святлана Зелянкоўская, Мікіта Хвалюк.
Прэм'ера запланавана на 26 верасня на ютуб-канале 1142Х.
Сігоў і Зелянкоўская з’явяцца ў спектаклі па Арлову
Выйшаў трэйлер «Чорнага замка» па рамане Уладзіміра Караткевіча ВІДЭА
У Беларусі здымуць фільм пра вайну ва Украіне