U Pieciarburhu kursant Vajskovaj akademii zabiŭ žančynu, pryniaŭšy jaje słychavy aparat za špijonskuju pryładu
Vajskovy sud u Sankt-Pieciarburhu aryštavaŭ kursanta miascovaj Vajskovaj akademii Mikałaja Cichanava, jakoha abvinavačvajuć pa artykule ab zabojstvie, paviedamiła pres-słužba haradskich sudoŭ. Abstaviny zabojstva vielmi niezvyčajnyja.
24.09.2024 / 16:58
Mikałaj Cichanaŭ. Fota: telehram-kanał «78»
Pavodle viersii śledstva, Cichanaŭ 22 vieraśnia praz svarku źbiŭ žančynu da śmierci. U sudzie jon admoviŭsia davać pakazańni.
Rasijskija telehram-kanały sa spasyłkaj na krynicy pryvodziać niekatoryja padrabiaznaści. Pavodle ich infarmacyi, 28-hadovy Mikałaj Cichanaŭ — kursant Vajskovaj akademii imia Mažajskaha. 22 vieraśnia jon paznajomiŭsia ŭ načnym kłubie z 41-hadovaj žančynaj sa słabym słycham, a paśla kłuba jany pajechali dadomu.
Kali para zastałasia sam-nasam, kursant nibyta pryniaŭ huk słychavoha aparata za hukazapisvalnuju pryładu. Jak śćviardžaje telehram-kanał «78», žančyna skazała, što jana inšaziemka, a taksama zapytałasia ŭ Cichanava pra vajskovuju słužbu. Praz heta jon vyrašyŭ, što jana ŭkrainskaja špijonka, i zabiŭ jaje.
U «ŁNR» na 11 hadoŭ kałonii asudzili Hieroja Rasii. Jon zabiŭ dziaŭčynu, zamočvajučy zorku hieroja
Prysudžany da 25 hadoŭ kałonii za kanibalizm vałhahradziec źjechaŭ na vajnu z Ukrainaj