Biełaruski śviatar zastupiŭsia za kvadrobieraŭ i chobichorsieraŭ
Protaijerej Sierhij Lepin, śviatar adnaho ź biełaruskich pravasłaŭnych chramaŭ, zastupiŭsia za kvadrobieraŭ i chobichorsieraŭ. Pra heta jon napisaŭ u svaim akaŭncie ŭ fejsbuku, piša «Smartpres».
28.09.2024 / 19:47
«Spačatku dzivilisia śviataram, jakija ŭ minułym byli kamsamolcami. Ale adnojčy ŭsie pryvykli. Potym dzivilisia tym ź ich, chto kaliści byŭ chipi. Jašče paźniej, abo paralelna z hetym, — tym, chto byŭ pankam, brejkieram abo mietalistam. Ale i da hetaha pryzvyčailisia. A siońnia… nichto ŭžo nie ździŭlajecca navat śviataram-bajkieram», — adznačyŭ Sierhij Lepin.
«Viedajcie, darahija maje, što dzieści siońnia vyrastajuć na łužkach budučyja baciuški i matuški z kvadrobieraŭ i chobichorsinhaŭ. U hetym — ja padazraju — i zaklučajecca dziŭny Božy Provid jak pra hetyja dzivakavatyja subkultury, tak i pra Carkvu», — dadaŭ jon.
Sierhij Lepin taksama prapanuje stvaryć u BPC sinadalny adździeł pa ŭzajemadziejańni z kvadrobierami, pa anałohii z adździełam pa pracy z kazakami: «Ich (kvadrobieraŭ) bolš».
Dziaržprapahanda pastaviła novuju modnuju ŭ padletkaŭ subkulturu ŭ adzin šerah z satanizmam
U Mahilovie kvadrobiery zachacieli paznajomicca z sabakam. Ale toj hetaha nie acaniŭ VIDEA
U Breście zaŭvažyli dziaciej-kvadrobieraŭ. Što heta za novy trend?