Pradziusara Alaksandra Čachoŭskaha buduć zavočna sudzić užo druhi raz
Śledčy kamitet abjaviŭ pra zaviadzieńnie śpiecvytvorčaści suprać pradziusara Alaksandra Čachoŭskaha, viadomaha siarod inšaha supracoŭnictvam sa śpiavačkaj Marharytaj Laŭčuk.
04.10.2024 / 17:17
Alaksandr Čachoŭski
43-hadovaha Čachoŭskaha buduć sudzić pa č. 1 art. 361-1 (stvareńnie ekstremiskaha farmavańnia) i č. 1 i 2 art. 361-4 (sadziejańnie ekstremiskaj dziejnaści) Kryminalnaha kodeksa. Jamu pradpisvajuć źjavicca pa adrasie: h. Brest, vuł. Puškinskaja, 63, heta adras Upraŭleńnia Śledčaha kamiteta pa Bresckaj vobłaści.
Cikava, što ŭ červieni Alaksandra Čachoŭskaha ŭžo sudzili pa adnoj spravie z Marharytaj Laŭčuk, Andrejem dy Volhaj Pavukami i inšymi zadziejničanymi ŭ prajekcie «Rudabielskaja pakazucha». Tady ŭsich ździviła vyniesienaje Čachoŭskamu niezvyčajna miakkaje pakarańnie — try miesiacy aryštu, asabliva na fonie drakonaŭskich terminaŭ, pryznačanych inšym fihurantam. Ciapier, jak vyhladaje, hetuju niezvyčajnuju anamaliju vyrašyli likvidavać.
Andreju Pavuku zavočna dali 12 hadoŭ, Volzie Pavuk krychu mienš. Asudzili i Marharytu Laŭčuk
«Biełaruski vajb» — novy prajekt Alesia Čachoŭskaha
«Niama skandału — moža, i na žal». Čachoŭski pakidaje Radu kultury