«Niama skandału — moža, i na žal». Čachoŭski pakidaje Radu kultury
Pradziusar i vykanaŭčy dyrektar Biełaruskaj rady kultury Alaksandr Čachoŭski abviaściŭ, što pakidaje Radu.
«Nadyšoŭ toj čas, kali ja adkryvaju dla siabie novuju hłavu prafiesijnaha žyćcia. Nieŭzabavie ja pakidaju pazicyju dyrektara ŭ spravie kulturnickaj dypłamatyi ŭ BCC/Belarusian Council for Culture i pakidaju skład kamandy — i heta jość uzajemnaje rašeńnie. U im niama skandału (moža, i na žal), niama kanfliktu, a jość racyjanalnaje i ŭzvažanaje rašeńnie abodvuch bakoŭ dziela važnaj ahulnaj spravy, skiravanaj na raźvićcio i pramocyju biełaruskaj kultury ŭ śviecie.
Ščyraść z samim saboj, adkaznaść i sumlennaść u pracy, robiać nas sapraŭdnymi prafiesijanałami. Jakraz tamu nie varta namahacca štučna «naciahvać savu na hłobus», kali adbyvajucca vidavočnyja pracesy jak u asabistym, tak i pracoŭnym sensach.
Ćviorda pierakanany, što Biełaruskaja Rada kultury hraje vielmi važnuju rolu siońnia dla Biełarusi i biełarusaŭ u śviecie, całkam padzialaju jaje ambitnyja mety i płany i budu namahacca dapamahać dalej zvonku. A sam praciahnu zajmacca kulturnickimi i miedyjaprajektami, art-festami i kulturnickaj dypłamatyjaj «pad svaim brendam» razam ź niejmaviernymi paplečnikami.
Napieradzie budzie šmat čaho cikavaha — nie pieraklučajciesia.
I pamiatajcie: Novaja Biełaruś — naš supolny art-prajekt!» — napisaŭ Čachoŭski ŭ fejsbuku.
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary