Pskoŭski mastak zachacieŭ pavajavać ź bieł-čyrvona-biełym ściaham, ale naškodziŭ sabie samomu
Mastak i rekanstruktar z rasijskaha Pskova Vasilij Mizhiroŭ paviedamiŭ na svajoj staroncy ŭ «VKontaktie», što suprać jaho zaviali spravu ab reabilitacyi nacyzmu. 4 kastryčnika da jaho pryjšli dva opierupaŭnavažanyja i vyklikali na dopyt 8 kastryčnika ŭ Śledčy kamitet, piša vydańnie «Pskovskaja hubiernija».
04.10.2024 / 19:09
Vasilij Mizhiroŭ
Pryčyny pieraśledu davoli niečakanyja: mastaka padviało žadańnie pazmahacca na roŭnym miescy ź biełaruskaj nacyjanalnaj simvolikaj.
Pavodle słoŭ Mizhirova, vypadak, za jaki jaho ciapier pieraśledujuć, adbyŭsia ŭ 2023 hodzie i byŭ źviazany z tym, što nieviadomyja razmalavali vałuny na padpskoŭskim pasiołku Vybuty pobač z mohiłkami bieł-čyrvona-biełymi pałoskami.
Paźniej vyśvietliłasia, što ŭdzielniki aśvietnickaha prajekta «Pskoŭskaja ściežka» prosta markiravali turystyčnuju ściežku i nijakich navat dumak pra biełaruski nacyjanalny ściah u ichnich hałovach nie było.
U adroźnieńnie ad ich, u hałavie Mizhirova ŭźnikli zusim inšyja asacyjacyi, tamu jon kinuŭsia ŭsich pierakonvać, što na vałunach «simvolika biełaruskich nacyjanalistaŭ». U paćviardžeńnie svaich słoŭ jon apublikavaŭ fota niejkaha padraździaleńnia, vidać, vajennych časoŭ, na zadnim płanie jakoha była svastyka.
Za raspaŭsiud hetaha fota jon i atrymaŭ cikavaść z boku rasijskich siłavikoŭ.
Vasilij Mizhiroŭ — viadomy pskoŭski rekanstruktar, mastak i fotamastak, akcior masavych scen, arhanizatar fiestyvalu vajskova-histaryčnaj rekanstrukcyi rańniaha Siaredniaviečča «Chielha», jaki z 2010 hoda štohod pravodzicca ŭ Vybutach.
33 hady tamu bieł-čyrvona-bieły ściah i hierb «Pahonia» stali aficyjnymi dziaržaŭnymi simvałami
Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham