33 hady tamu bieł-čyrvona-bieły ściah i hierb «Pahonia» stali aficyjnymi dziaržaŭnymi simvałami
19 vieraśnia 1991 hoda histaryčnaja simvolika była pryznana dziaržaŭnaj. Takoje rašeńnie pryniaŭ paśla krachu SSSR Viarchoŭny Saviet Biełarusi 12-ha sklikańnia — parłamient, jaki byŭ abrany na častkova svabodnych vybarach.
Nacyjanalnaja simvolika zastavałasia dziaržaŭnaj da refierendumu 1995 hoda, kali zamiest jaje viarnuli savieckija simvały.
Raniej bieł-čyrvona-bieły ściah i hierb «Pahonia» byli simvałami Biełaruskaj Narodnaj Respubliki — pieršaha dziaržaŭnaha ŭtvareńnia, što abviaściła svaju niezaležnaść ad inšych krain i vykarystoŭvała aznačeńnie «biełaruski».
Hierb «Pahonia» — vajar z uźniatym miačom na biełym kani ŭ čyrvonym poli — viadomy ŭ Biełarusi z hłybokaj staražytnaści.
U jakaści dziaržaŭnaha hierba Kniastva Litoŭskaha, staražytnaj biełaruskaj dziaržavy, jaje pačaŭ vykarystoŭvać vialiki kniaź Vicień u kancy XIII st. Vyjavaj «Pahoni» ŭpryhožanyja ŭsie dziaržaŭnyja dakumienty tahačasnaj Biełarusi, staronki «Litoŭskaj Mietryki» i «Statutaŭ».
«Pahonia» była na ściahach biełaruska-litoŭskaha vojska va ŭsich vyrašalnych bitvach tych časoŭ — ad Hrunvalda da Oršy.
Paśla Lublinskaj unii «Pahonia» naroŭni z polskim biełym arłom źmiaščałasia na hierbie Rečy Paspalitaj i na karaleŭskim ściahu. Navat paśla padziełaŭ Rečy Paspalitaj u XVIII st, kali Biełaruś trapiła pad uładu Rasii, «Pahonia» zastałasia hierbam biełaruskich hubierniaŭ.
Bieł-čyrvona-bieły ściah u siońniašnim vyhladzie, u adroźnieńnie ad «Pahoni», maje kankretnaha aŭtara. Ściah stvaryŭ u 1917 Kłaŭdzij Duž-Dušeŭski.
Bieł-čyrvona-biełuju stužku ŭ 1917-m stali nasić i vajskoŭcy-biełarusy na frantach Pieršaj suśvietnaj vajny, kab paznavać svaich.
U śniežni 1917 u Minsku padčas Usiebiełaruskaha źjezda bieł-čyrvona-bieły ściah užo adzinadušna pryznavaŭsia nacyjanalnym simvałam Biełarusi. Jon staŭ dziaržaŭnym ściaham Biełaruskaj Narodnaj Respubliki.
Za savietami ž ściah byŭ zabaronieny, a paśla padziej 2020 hoda ŭ dziaržaŭnych ŚMI i telehram-kanałach razharnułasia kampanija pa jaho dyskredytacyi, a ludziej karajuć sutkami navat za ściahi i hierb na avatarkach
Kamientary
https://t.me/KalinouskiPolk/76
19 vieraśnia 1991 hoda parłamientaryi prymali rašeńnie nakont aficyjnaj nazvy našaj krainy i jaje simvoliki. Tahačasny lider Biełaruskaha narodnaha frontu Zianon Paźniak raspavioŭ Jeŭraradyjo, što nie chapała hołasa‑dvuch, i jon asabista prasiŭ deputata‑kamunista padtrymać novuju simvoliku.
«Kamunistyčnaja bolšaść była suprać. Jany navat nie chacieli pieranazyvać krainu, a pakinuć BSSR. Heta była vielmi niervovaja i vielmi ciažkaja baraćba. Siesija ciahnułasia praktyčna ceły dzień. Davodziłasia rabić pierapynki, šmat hałasavać, pravodzić pieramovy, papraŭki. Zaŭsiody nie chapała adnaho‑dvuch hałasoŭ. Pamiatajecca, ja padyšoŭ da adnaho kamunista. Jon byŭ u vieteranskaj hrupie, jakaja zaŭsiody hałasavała suprać. Ja ŭziaŭ jaho za ruku i paprasiŭ: «Prahałasujcie za ściah i hierb dziela našaj budučyni. Ja vas prašu jak biełarus biełarusa». I jon prahałasavaŭ».
Vialiki dziakuj Zianonu Paźniaku!