Pomnik Francysku Skarynu ŭ Kalininhradzie pieranieśli na inšaje miesca
Pomnik Francysku Skarynu ŭ Kalininhradzie ciapier budzie stajać na terytoryi humanitarnych karpusoŭ Bałtyjskaha fiederalnaha ŭniviersiteta imia Imanuiła Kanta. Uračystaje adkryćcio pomnika na novym miescy adbyłosia ŭ ramkach II forumu «Rasija i Biełaruś: ahulnaja historyja, ahulny los», jaki hetymi dniami prachodzić u Kalininhradzie, paviedamiła pasolstva Biełarusi ŭ Rasii.
04.10.2024 / 22:47
Skulptura vyšynioj 3,5 mietra i vahoj 2 tony vykananaja z bronzy i była adlitaja ŭ majsterni ŭ Smalavičach. Jaje aŭtar — prafiesar Biełaruskaj akademii mastactvaŭ Anatol Arcimovič.
U 2004 hodzie skulpturu Kalininhradskaj vobłaści padaryła Kalininhradskaje ziamlactva biełarusaŭ. Tady było vyrašana pastavić pomnik na placoŭcy pierad administracyjnym korpusam BFU na vulicy Alaksandra Nieŭskaha ŭ Kalininhradzie.
Padčas budaŭnictva novaha kampusa BFU administracyja ŭniviersiteta pryniała rašeńnie ab pieranosie pomnika Skaryny da histaryčnych karpusoŭ univiersiteta, dzie navučajucca studenty humanitarnych śpiecyjalnaściaŭ.
Vystupajučy na ŭračystaści, były dyrektar Instytuta historyi NANB i rektar Akademii kiravańnia pry Łukašenku, a ciapier deputat Pałaty pradstaŭnikoŭ Viačasłaŭ Daniłovič adznačyŭ, što «ŭ sajuznaj dziaržavie my zachoŭvajem pamiać pra ludziej, jakija ŭnieśli vielizarny ŭkład u raźvićcio našych narodaŭ».
U Prazie znajšli nieviadomyja raniej frahmienty Biblii Skaryny
U Franciška Skaryny ŭ Prazie skrali piaro — heta zdaryłasia nie ŭpieršyniu