Najelisia publičnaści: ludzi mocna źmianili svaje pavodziny ŭ sacsietkach
Karystalniki sacyjalnych sietak pierastajuć vystaŭlać svajo žyćcio napakaz. Jakija jašče trendy fiksujuć daśledčyki?
08.10.2024 / 20:04
Ilustracyjny malunak, stvorany z dapamohaj štučnaha intelektu
Jak piša Le Monde, niahledziačy na toje, što miljardy ludziej pa-raniejšamu štodnia zachodziać u instahram, fejsbuk, tvitar, a ciapier i ŭ tyktok, charaktar ich aktyŭnaści ŭ sacsietkach źmianiŭsia. Ciapier ludzi publikujuć značna mienš kantentu, čym raniej.
Aŭtar spasyłajecca na słovy kiraŭnika Instagram Adama Mosiery, jaki adznačaje, što karystalniki ŭsio radziej dzielacca asabistymi momantami ŭ stužcy, a voś storyz pościać usio bolš, i paviedamleńniami ŭ pryvacie dzielacca čaściej.
U Biełarusi ludzi źmianili svaje sacsietačnyja zvyčki ŭ vyniku palityčnych represij. Ale i ŭ volnym śviecie źmieny ŭ farmacie karystańnia sacsietkami taksama adbylisia.
Z momantu źjaŭleńnia fejsbuka ŭ 2004 hodzie paradyhma vykarystańnia internetu istotna źmianiłasia. Kali raniej karystalniki aktyŭna publikavali kantent dla šyrokaj aŭdytoryi, to ciapier jany bolš aściarožnyja ŭ svaich pastach, časta paźbiahajučy adkrytych vykazvańniaŭ. Ludzi ŭśviedamlajuć, što publikacyi mohuć mieć niepažadanyja nastupstvy dla asabistaha i prafiesijnaha žyćcia.
Jak adznačyła ŭ intervju Le Monde 36-hadovaja Sara, jakaja pracuje pradavačkaj, raniej jana ščodra dzialiłasia detalami asabistaha žyćcia, ale ciapier addaje pieravahu pryvatnaści. Jana zrazumieła, što sacyjalnyja sietki mohuć niehatyŭna paŭpłyvać na jaje prafiesijnaje žyćcio, a taksama vykarystoŭvacca dla pieraśledu abo złoŭžyvańnia asabistymi danymi.
Moładź taksama adčuvaje źmieny ŭ vykarystańni sacyjalnych sietak. 19-hadovy Rajan Ermasi (Rayan Hermassi) raskazaŭ, što vydaliŭ usie sacyjalnyja sietki sa svajho telefona, akramia Snapchat, jaki vykarystoŭvaje dla pryvatnych paviedamleńniaŭ. Hety padychod da publikacyj śviedčyć pra toje, što moładź addaje pieravahu pryvatnym znosinam zamiest publičnaha kantentu.
U pryvatnaści, praciahvaje raści vatsap. U jaho ŭ śviecie ŭžo jość bolš za dva miljardy aktyŭnych karystalnikaŭ. U našym rehijonie płaniety rej viaduć telehram i vajbier.
Dla mnohich karystalnikaŭ hetyja płatformy stali miescami, dzie možna padtrymlivać suviazi, sačyć za čatami, ale pry hetym pra siabie pisać minimum.
Internet-karystalniki, jak piša aŭtar, ciapier sychodziać u «lasy» internetu — prastory, dzie ty sam bačyš i sam možaš čytać bolš, ale sam vykazvaješsia mienš. Tamu takija płatformy, jak Discord i Telegram, i stali papularnymi: jany adpaviadajuć čakańniam sučasnaha internet-karystalnika.
Jarmošyna: Ja nie razumieju, navošta patrebnyja sacyjalnyja sietki
Chto ź ministerstvaŭ i viedamstvaŭ viadzie sacsietki pa-biełarusku?
Repier Siaroha: Sacsietki — instrumienty vajennaha zachopu
Jak pierachod pa spasyłcy abo prahlad čužoha profilu mohuć vas vydać u TikTok
WhatsApp zmoža adpraŭlać paviedamleńni ŭ inšyja miesiendžary. A potym i telefanavać