Što za miesiendžar Discord i čamu jaho zabaranili ŭ Rasii

Što takoje Discord?

Hetaja płatforma była stvorana ŭ 2015 hodzie i na siońnia štomiesiac maje kala 190 miljonaŭ karystalnikaŭ. Pieršapačatkova jaje zrabili dla hiejmieraŭ — tam vielmi zručna adnačasova hulać i hutaryć. Płatforma nabyła vialikuju papularnaść padčas pandemii, kali joj stali karystacca studenty, vučni, nastaŭniki i vykładčyki dla anłajn-zaniatkaŭ.

Discord sa štab-kvateraj u San-Francyska staŭ siabie pazicyjanavać jak univiersalny instrumient dla aŭdyja, videa i tekstavych čataŭ, kštałtu Skype. Prahrama maje viersiju jak dla kampjutara, tak i dla smartfona. Ekśpierty ličać, što pa svaim funkcyjanale jana pieraŭzychodzić takija miesiendžary, jak Telegram ci WhatsApp.

Płatforma raźmiaščaje supołki-sierviery z kolkaściu ŭdzielnikaŭ ad niekalkich čałaviek da niekalkich tysiač. Kožny karystalnik moža adkryć takuju supołku biaspłatna. Jon moža zrabić jaje pryvatnaj abo ahulnadastupnaj i zaprasić inšych ludziej razmaŭlać u roznych adkrytych kanałach unutry samoha sierviera.

Pośpiech płatformy niekatoryja daśledčyki tłumačać stomlenaściu ad bujnych sacyjalnych sietak, takich jak Twitter ci Facebook, jakija złučajuć miljony karystalnikaŭ internetu i majuć šmat niepradbačanych pabočnych efiektaŭ. Tamu ludzi imknucca da ŭdziełu ŭ mienšych supołkach, dzie abjadnanyja adnadumcy.

Što tam ź biaśpiekaj?

Čaty Discord nielha raźmiaščać na pryvatnych siervierach karystalnikaŭ. Usie razmovy, pierapiska i adpraŭlenyja fajły zachoŭvajucca na siervierach kampanii. Ale niadaŭna było intehravanaje skraznoje šyfravańnie dla videa dy aŭdyjazvankoŭ, što robić ich davoli biaśpiečnymi.

Płatforma maje vialikuju kamandu maderataraŭ. Jany sočać za tym, kab karystalniki prytrymlivalisia praviłaŭ servisu. U vypadku parušeńniaŭ vydajucca papiaredžańni i vydalajucca jak ulikovyja zapisy, tak i cełyja čaty.

Čamu miesiendžar zabaranili ŭ Rasii?

U Rasii prablemy ŭ płatformy pačalisia adnosna niadaŭna, hod tamu. Kampanii pryznačyli štraf u 6 miljonaŭ rasijskich rubloŭ, a tydzień tamu dadali da jaho jašče 3,5 miljona (ahułam amal 100 tysiač dalaraŭ). Viadoma, płatforma jaho praihnaravała.

Raskamnahlad u niadaŭnim relizie zajaviŭ, što płatforma nie choča vydalać «supraćpraŭnyja materyjały», siarod jakich — «ekstremisckija». A rasijski deputat Anton Niemkin na minułym tydni śćviardžaŭ, što Discord vielmi niebiaśpiečny, bo «dazvalaje złačyncam kantaktavać ź niepaŭnaletnimi» i «maje zakrytyja supołki», a «kolkaść zabaronienych materyjałaŭ tam biesprecedentnaja».

Siońnia stała viadoma pra błakiroŭku płatformy ŭ Rasii.

• 0
• 1
• 15
• 4
• 2
• 0
• 0
• 0