Na Lubanskim vadaschoviščy pabačyli vielmi redkuju ŭ nas ptušku
Na Lubanskim vadaschoviščy ŭ Minskaj vobłaści ptuškar Mikałaj Vierabiej 7 kastryčnika zaŭvažyŭ i sfatahrafavaŭ siaredniaha pamornika. Za papiarednija 100 hadoŭ jaho ŭ nas fiksavali ŭsiaho 3 razy, piša «Dzikaja pryroda pobač».
09.10.2024 / 17:22
Fota Mikałaja Vierabja
Dahetul u Biełarusi siaredniaha pamornika adznačali ŭ 1926 hodzie ŭ Viciebskaj vobłaści, a taksama ŭ 1931 i ŭ 1998 hodzie ŭ Homielskaj vobłaści.
Voś što raskazaŭ pra sustreču z pamornikam sam Mikałaj Vierabiej:
«Pamornikaŭ ja daŭno chacieŭ pabačyć, ale niešta nie zadałosia. Jany vielmi časta pieralatajuć, amal zaŭsiody znachodziacca ŭ pavietry, i ich ciažka zaśpieć na adnym miescy. Ale hetym razam mnie paščaściła. Ja zaŭvažyŭ ptušku ŭžo kali jana amal padlacieła da mianie, i adrazu zrazumieŭ, što heta pamornik. Praŭda, fotaaparat nie byŭ napahatovie. Ja trošački pačakaŭ, pamornik iznoŭ źjaviŭsia — i ja zrabiŭ dobry zdymak. Ptuška darosłaja, tamu jaje było lahčej vyznačyć adrazu».
Siaredni pamornik bujniejšy za čajku-rybačku, adnak drabniejšy za čajku-kłyhuna. Hniazdujecca jon u arktyčnaj tundry, a zimuje ŭ adkrytym mory.
Hety pamornik, mahčyma, lacieŭ va ŭlubiony hetymi ptuškami Amanski zaliŭ ci na ŭschodniaje ŭźbiarežža Afryki. Častka ptušak nie ablataje Jeŭropu marskim šlacham, a pierasiakaje ŭ zručnym miescy. Tamu i lubiać jany spyniacca tolki na vialikich vadajomach, dzie ich ciažka zaŭvažyć. U Biełarusi na pralocie možna sustreć čatyry vidy pamornikaŭ, ale nivodnaha vidu nie nazirali navat 10 razoŭ.
Kazačny park abo turystyčnaja vioska. Kudy pajechać na vychadnyja hetaj vosieńniu?
Turbuješsia za busłoŭ, jakija nie adlacieli? Voś jak im možna dapamahčy
Biełarus trymaje doma 100 redkich kanarejek
Čamu ŭ Jeŭropie zahinuli tysiačy łastavak?