U Žodzinie šalony biazdomny kot pakusaŭ svojskaha sabaku
Niečakanaje zdareńnie ŭskałychnuła Žodzina. Na vulicy 8 Cakavika ahresiŭny biazdomny kot napaŭ na sabaku minčukoŭ, jakija pryjechali ŭ hości. Jak vyśvietliłasia paźniej, u kata było šalenstva, piša Ex-press.live
10.10.2024 / 16:12
Miascovyja ŭłady abjavili dvuchmiesiačny karancin, kab praduchilić mahčymaje raspaŭsiudžvańnie niebiaśpiečnaha virusa, paviedamlaje miascovaja hazieta.
28 vieraśnia minčuki pryjechali ŭ Žodzina, kab praviedać siabroŭ, prychapiŭšy z saboj lubimaha sabaku. Padčas prahułki na vulicy 8 Sakavika kala doma №10 na žyviolinu raptoŭna napaŭ biazdomny kot.
U sutyčcy kot atrymaŭ traŭmy, ad jakich nieŭzabavie zahinuŭ.
Uładalniki sabaki, nie adkładajučy, źviarnulisia ŭ vieterynarnuju stancyju ŭ susiednich Smalavičach. Paśla analizu vieterynary paćvierdzili padazreńni — u kata było šalenstva.
Vyniki łabaratornych daśledavańniaŭ, jakija pryjšli 7 kastryčnika, paćvierdzili heta niebiaśpiečnaje zachvorvańnie.
Ułady Žodzina abviaścili karancin u mikrarajonie, dzie adbyłasia sutyčka. Karancin budzie doŭžycca dva miesiacy, i ŭ hety pieryjad žycharoŭ abaviazali stroha vykonvać rekamiendacyi vieterynaraŭ: paźbiahać kantaktaŭ z vuličnymi žyviołami, vakcynavać chatnich hadavancaŭ i być uvažlivymi da lubych dzivactvaŭ u pavodzinach źviaroŭ.
Śpiecyjalisty padkreślivajuć, što kali na praciahu hetaha terminu nie vyjaviać novych vypadkaŭ šalenstva, karancin budzie źniaty.
Apošni da hetaha času vypadak šalenstva ŭ Žodzinie byŭ zarehistravany ŭ pačatku 2020 hoda, kali chvoraja lisa pakusała vartavoha sabaku.
U Barysavie rabotniki meblevaj fabryki hulalisia z vaviorkaj, a jana akazałasia šalonaj
U pasiołak pad Mahilovam pryjšoŭ janotapadobny sabaka
Za tydzień u Biełarusi bolš za 70 čałaviek mahli zarazicca šalenstvam
Biełaruska padabrała na vulicy vavierčania. Jak vyjaviłasia, darma