U ZŠA bušuje ŭrahan «Miłtan» VIDEA
Sabrali apošnija vyjavy taho, jak vyhladajuć nastupstvy stychii ŭ haradach amierykanskaj Fłarydy.
10.10.2024 / 22:22
Urahan «Miłtan», jaki abrynuŭsia na amierykanski štat Fłaryda ŭ noč ź sierady na čaćvierh, akazaŭsia mienš mahutnym, čym byŭ jašče dva-try dni tamu, spuściŭšysia ź piataj (maksimalnaj) katehoryi mahutnaści vietra da pieršaj, paviedamlaje Nacyjanalny centr ZŠA pa nazirańni za ŭrahanami (NHC).
Tym nie mienš, «Miłtan» prynies z saboj mocnyja tarnada i praliŭnyja daždžy, jakija zatapili častku prybiarežnych haradoŭ. Zahinuli jak minimum siem čałaviek, a try miljony budynkaŭ zastalisia biez elektryčnaści, pamiedamlaje Ruskaja słužba Bi-bi-si.
Hubiernatar Fłarydy Ron Desancis papiaredziŭ nasielnictva štata, što pahroza jašče nie źnikła kančatkova i što ŭ bližejšyja dni ŭzrovień vady budzie praciahvać padymacca, a płošča zatoplenaj terytoryi — pavialičvacca.
Voś, jak vyhladajuć nastupstvy «Miłtana» u niekatorych haradach Fłarydy.
Kliruoter, Fłaryda, paśla urahanu «Miłtan». Mike Stewart / AP
Vyspa Hanna-Maryja, Fłaryda. Fota: Rebecca Blackwell / AP
Kiejp-Korał, Fłaryda. Fota: Marta Lavandier / AP
Horad Punta-Horda na ŭźbiarežžy Fłarydy paśla ŭrahanu «Miłtan». Fota: Joe Raedle / Getty Images
Punta-Horda. Fota: Joe Raedle / Getty Images
Sent-Piterśbierh, Fłaryda. Fota: Spencer Platt / Getty Images
«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury
U Biełaviežskaj puščy małanka razarvała 200-hadovy dub VIDEA