Stała viadoma, kolki žycharoŭ Biełarusi źviarnulisia da strachoŭščykaŭ paśla razburalnaha lipieńskaha ŭrahanu
Ad niepahadzi paciarpieła majomaść jak fizičnych, tak i jurydyčnych asob. Samyja častyja zvaroty tyčylisia paškodžańniaŭ damoŭ.
Bolš za 14 tysiač zajaŭ na kampiensacyju škody pryniali biełaruskija strachavalniki paśla lipieńskaha ŭrahanu «Ihar».
Urahan bušavaŭ na terytoryi Biełarusi 13-18 lipienia, viecier z paryvami da 100 mietraŭ za siekundu pavaliŭ sotni dreŭ, paškodziŭ damy i mašyny, sotni nasielenych punktaŭ tady zastalisia bieź śviatła i vady. Z-za niepahadzi zahinuli šeść čałaviek.
Samyja častyja zvaroty da strachoŭščykaŭ tyčylisia vypadkaŭ paškodžańnia dachaŭ, padstreškaŭ, ścien, voknaŭ, elemientaŭ azdableńnia budynkaŭ i žyłych damoŭ, piša «Strachavańnie ŭ Biełarusi».
Taksama istotnuju častku zvarotaŭ za strachavoj vypłataj składali vypadki paškodžańnia kuzava i škleńnia transpartnych srodkaŭ hradam, pavalenymi drevami, halinkami, starońnimi pradmietami ŭ vyniku škvalistaha vietru, a taksama zatapleńniaŭ.
Ahulnaja suma strachavych vypłat nie nazyvajecca.
Kitaj paprasiŭ Biełaruś narmalizavać adnosiny z Polščaj — krynica6
Kamientary