У Еўрапарламенце Віктара Орбана правялі з трыбуны песняй Bella Ciao
Левыя дэпутаты Еўрапарламента выканалі італьянскую песню, гімн антыфашысцкага супраціву Bella Ciao пасля выступлення прэм'ер-міністра Венгрыі Віктара Орбана, піша The Guardian.
11.10.2024 / 18:19
Віктар Орбан. Фота: Denes Erdos / AP
«Гэта не Еўрабачанне», — казала спікерка Еўрапейскага парламента Раберта Метсола, спрабуючы спыніць хор дэпутатаў.
У ходзе дыскусіі нязгодныя з палітыкай Орбана парламентарыі абвінавацілі яго ў блізкасці да Уладзіміра Пуціна, а таксама асудзілі парушэнні асноўных правоў і свабод у Венгрыі і высокі ўзровень карупцыі.
Песню, якой праводзілі Орбана, у Італіі спяваюць кожны год 25 красавіка ў гонар заканчэння фашысцкай дыктатуры Беніта Мусаліні і нацысцкай акупацыі. Але апошнім часам яна таксама гучала на антыўрадавых пратэстах у Іране, барыкадах ва Украіне, яе таксама спявалі змагары за правы жанчын у Польшчы, а таксама, як адзначае The Guardian, незаконна транслявалі з мінарэтаў мячэцяў у Турцыі.
«Траянскі конь» Пуціна. Хто такі Віктар Орбан і чый бок ён сапраўды займае?
Венгрыю прапанавалі на час выключыць з Шэнгенскай зоны з-за выдачы віз беларусам
Святлана Ціханоўская сустрэлася з Віктарам Орбанам
Еўрапейскі парламент асудзіў «нібыта мірныя намаганні» Віктара Орбана
Орбан заклікаў ЕС аднавіць адносіны з Расіяй
Зяленскі патлумачыў, чаму Орбан не можа быць мірным пасярэднікам