Papularnamu damienu.io pahražaje zakryćcio
U pačatku kastryčnika ŭrad Vialikabrytanii abviaściŭ, što admaŭlajecca ad suvierenitetu nad archipiełaham Čahas u Indyjskim akijanie i pieradaje jaho Maŭrykiju. Takoje rašeńnie moža mieć niečakany efiekt dla internetu, pakolki pahražaje isnavańniu damiena.io, piša Devby.io.
11.10.2024 / 20:38
Damien.io šyroka vykarystoŭvajecca technałahičnymi kampanijami. Jon pryviazany da brytanskaj terytoryi ŭ Indyjskim akijanie — zamorskaj terytoryi Vialikabrytanii, jakaja składajecca z archipiełaha Čahas. Jak tolki budzie padpisana pahadnieńnie pamiž Vialikabrytanijaj i Maŭrykijem, terytoryja spynić isnavańnie, a mižnarodnaja arhanizacyja pa standartyzacyi (ISO) pavinna budzie vydalić kod krainy IO sa svajoj śpiecyfikacyi.
Amierykanskaja arhanizacyja IANA, jakaja rehistruje damieny vierchniaha ŭzroŭniu, vykarystoŭvaje śpiecyfikacyju ISO i, pa idei, rehistracyja novych damienaŭ u zonie.io pavinna spynicca. Adnak navat u samoj IANA pakul nie viedajuć, jaki los čakaje.io.
Vice-prezident IANA Services Kim Devis u kamientary Computerworld skazaŭ, što jość niekalki patencyjnych vychadaŭ ź situacyi.
Dla pačatku treba pravieści kansultacyi z Maŭrykijem, ale kali pieramovy nie ŭviančajucca pośpiecham, pačniecca praces vyvadu damiena z vykarystańnia, jaki zojmie piać hadoŭ. Na praciahu hetaha času sajtam.io pryjdziecca pierajści na damien-pierajemnik abo jaki-niebudź inšy damien.
Vialikabrytanija paśla šmathadovych sprečak pahadziłasia pieradać Maŭrykiju astravy Čahas
Što za miesiendžar Discord i čamu jaho zabaranili ŭ Rasii
Najelisia publičnaści: ludzi mocna źmianili svaje pavodziny ŭ sacsietkach