«Biełarusy chočuć sučasnaha baciu». Astapienia pra kandydata ŭ prezidenty, jaki zadavolić bolšaść
Sacyjołah Ryhor Astapienia ŭ novym vypusku TOKu apisaŭ vobraz palityka, jaki pryvablivaje biełarusaŭ.
14.10.2024 / 09:00
Ryhor Astapienia ličyć, što ŭ biełarusaŭ mocny zapyt na novaha «baćku». Skryn videa: TOK_talk / YouTube
Astapienia adznačaje: «Pa sutnaści, heta «krepki chaziajstvieńnik», ale sučasny. Heta vyraznaje zaihryvańnie z pryvatnym siektaram ekanomiki, pačućcio madernovaści.
Plus heta pačućcio niejkaj mocy — biełarusy chočuć baciu. Hety bacia ŭžo nie padabajecca — treba novy bacia. (…) Dumaju, pačućcio intelihientnaści biełarusy chacieli b. U biełarusaŭ jość vielizarny zapyt na pačućcio narmalnaści.
My chočam niešta absalutna narmalnaje, kłasnaje. Moža, nie vypiendrožnaje. Nu voś kab ja pabačyŭ i skazaŭ: narmalny čeł».
Astapienia nie vieryć u toje, što biełarusy chočuć parłamienckuju respubliku i słabaha lidara.
«Moža, słabiejšyja roli prezidenta. Tyja roli, jakija ciapier u prezidenckaj pasady, nie prymalnyja. Tamu što ŭ ciabie ŭ Kanstytucyi naŭprost zapisana, što ŭ ciabie dyktatura. Ale chaciełasia b mieć vyraznaje razumieńnie, chto bacia albo maci. Ale pakul što chutčej bolš bacia».
Analityk zaŭvažaje, što Viktar Babaryka jakraz traplaŭ u taki vobraz. Akramia hetaha, biełarusam moža spadabacca vobraz aficera — prykładam tut były «ministr abarony» ŭ Abjadnanym pierachodnym kabiniecie Valeryj Sachaščyk, jaki na siońnia zaviaršyŭ svaju palityčnuju karjeru.
Sacyjołah dadaje, što ŭ Viktary Babaryku ludzi mahli bačyć taho, chto zabiaśpiečyć ekanamičny dabrabyt krainy.
«Kali my bačym bahataha čałavieka, my dumajem, što jon moža dla krainy prynieści šmat bahaćcia. Heta ŭ palitycy dosyć raspaŭsiudžanaje ŭjaŭleńnie».
Hladzicie całkam:
Astapienia: Adbyvajecca peŭnaja transfarmacyja režymu ŭ Biełarusi
Astapienia prapanavaŭ, jak cichieńka pazbavicca ad pomnikaŭ Leninu
Astapienia patłumačyŭ, čamu nastupnaja revalucyja budzie revalucyjaj tyktoku
Astapienia pra vybary 2025: Ludzi chočuć chadzić na vybarčyja ŭčastki, bajkoty nie lubiać