Astapienia pra vybary 2025: Ludzi chočuć chadzić na vybarčyja ŭčastki, bajkoty nie lubiać
«Mahčymaści dla kampanii jość», — pierakanany sacyjołah.
U novym vypusku jutub-kanała «Hadzińničak cikaje» abmiarkoŭvali budučyja prezidenckija vybary. Na dumku sacyjołaha Ryhora Astapieni, bajkot vybaraŭ nie jość dobraj stratehijaj dla demakratyčnych sił.
«Vy kažacie, što vy palityki z hetaj krainy. Tam adbyvajecca prezidenckaja vybarčaja kampanija. Pa sutnaści adzinaja kampanija, jakaja choć niejak palityzuje hramadstva. Vy prosta kažacie, što jaje ihnarujecie. Čamu ŭ takim vypadku vy nazyvajecie siabie palitykami? U čym vaša palityčnaja dziejnaść? Vy nie ŭdzielničajecie ŭ palityčnym žyćci. (…) Nu što-niebudź zrabicie vakoł kampanii. Vy nie možacie prosta jaje ihnaravać».
Na pohlad Astapieni, navat pry zakliku da bajkotu vybarčyja ŭčastki pustymi nie zastanucca.
«Toje, što my bačyŭ va ŭsich apytańniach, — ludzi, jakija navat apazicyjnych pohladaŭ, chočuć chadzić na vybarčyja ŭčastki. Masava nichto nie lubić bajkoty. Paśla buduć prymušać — značyć treba budzie iści. (…) Nu voś i ŭsio: 50 pracentaŭ sabrali, 30 damalavali. Plus, heta luty (datu vybaraŭ aficyjna pakul nie abjavili. — NN), i ni na jakuju daču ty nie pajedzieš», — tłumačyć Astapienia.
Jon dadaje, što nie advakatuje za niejkija kankretnyja dziejańni.
«Ale mahčymaści dla kampanii jość. Tyja ž samyja tyktoki. Tam usio absalutna narmalna. Jutuby — usio narmalna. Sajty rabi kolki chočaš. Tut abmiežavańniaŭ dla niejkich kampanij ja nie baču. Toje, što ciabie nie zarehistrujuć kandydatam, — ab hetym možna było zdahadacca».
Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»18
Kamientary
Bravo!!