Dačka Navalnaha ciapier pracuje ŭ pieradvybarčym štabie Kamały Charys
23-hadovaja Darja Navalnaja ŭładkavałasia na pracu ŭ ofis štaba ŭ štacie Piensilvanija — adnaho z samych važnych na budučych vybarach.
14.10.2024 / 16:12
Darja Navalnaja, dačka pamierłaha rasijskaha apazicyjaniera Alaksieja Navalnaha. Fota: Jean-Francois Badias / AP
Darja Navalnaja, dačka pamierłaha rasijskaha apazicyjaniera Alaksieja Navalnaha, pracuje ŭ pieradvybarčym štabie kandydata ŭ prezidenty ZŠA ad Demakratyčnaj partyi Kamały Charys. Ab hetym śviedčyć abnoŭlenaja infarmacyja pra miesca pracy na staroncy Navalnaj u LinkedIn, pieradaje Ruskaja słužba Bi-bi-si.
Jaje pasada paznačana jak Field Organizer (kaardynatar pracy z vałanciorami), jaki zajmajecca suviaziami z hramadskaściu, mabilizacyjaj vybarcaŭ i arhanizacyjaj pracy adździaleńnia štaba Charys u štacie Piensilvanija.
Piensilvanija — adzin z najvažniejšych dla abodvuch kandydataŭ u prezidenty ZŠA štataŭ. Hałasy vybarcaŭ adtul, zhodna z sacapytańniami, pakul amal paroŭnu padzieleny pamiž Charys i jaje supiernikam ad Respublikanskaj partyi Donaldam Trampam, ale ŭ Piensilvanii Charys pakul simvalična apiaredžvaje Trampa.
«Jany mianie atruciać». Vychodzić kniha z uspaminami Alaksieja Navalnaha