Сербскі прэзідэнт падчас матча са Швейцарыяй разгарнуў аб'яднаны сцяг Сербіі і Расіі
Прэзідэнт Сербіі Аляксандр Вучыч на футбольным матчы нацыянальнай зборнай у Лізе нацый супраць зборнай Швейцарыі разгарнуў падвоены сцяг: з аднаго боку гэта былі колеры сцяга Сербіі, з другога — расійскі трыкалор. Адпаведнае відэа ў сетцы Х запосціў лідар апазіцыйнай Сербскай рэспубліканскай партыі Мікалай Сандулавіч, піша «Трыбуна».
14.10.2024 / 17:33
Скрыншот з відэа
«Я не ведаю, што яшчэ трэба зрабіць сербскаму дыктатару Аляксандру Вучычу, каб Еўропа і Амерыка зразумелі, што ён гуляе з імі ў сваёй бясконцай хлусні і абяцаннях, якія ён ім дае, такім чынам выйграючы час для канчатковай разборкі з імі. Ён быў, застаўся і назаўжды застанецца рускім памагатым і іх верным хаўруснікам.
На футбольным матчы паміж Сербіяй і Швейцарыяй у кампаніі агента Пуціна [прэзідэнта Рэспублікі Сербскай у складзе Босніі і Герцагавіны] Міларада Додзіка Аляксандр Вучыч дастаў з кішэні і разгарнуў аб'яднаны сцяг Сербіі і Расіі.
Дакладнае паведамленне насельніцтву Сербіі пра тое, як інтэрпрэтаваць яго апошнія палітычныя крокі: «Мы былі і будзем саюзнікамі Расіі, асабліва цяпер, калі мы спрабуем быць траянскім канём Расіі на Захадзе».
Захад да гэтага часу не разумее глыбіні расійскага ўплыву ў Сербіі і таго, што фармальныя рашэнні нічога не значаць для палітыкі, глыбока сінхранізаванай з Крамлём», — напісаў Сандулавіч у твітары.
Прэзідэнт Сербіі прарочыць Украіне карэйскі сцэнарый
Прэзідэнт Сербіі адмовіўся ехаць на саміт БРІКС па запрашэнні Пуціна
Ціханоўская сустрэлася з прэзідэнтам Сербіі Вучычам
Сярод краін, якія падтрымліваюць Украіну зброяй, ёсць і Сербія. Але не напрамую