«Hazpram» źbirajecca pradać svoj dom adpačynku ŭ Maładziečanskim rajonie
«Hazpram» vyrašyŭ pazbavicca ad častki niaprofilnych aktyvaŭ i ŭ suviazi z hetym źbirajecca pradać amal paŭtara dziasiatka baz adpačynku i sanatoryjaŭ, piša TASS.
15.10.2024 / 17:39
Fota: alesya-btg.by
Paviedamlajecca, što «Hazpram» maje namier pradać bolš za dziasiatak abjektaŭ adpačynku ŭ Rasii, a taksama hatel «Maryjot Cachkadzor» u Armienii i dom adpačynku «Alesia» ŭ Biełarusi.
Azdaraŭlenčy centr «Alesia» źjaŭlajecca filijałam AAT «Hazpram transhaz Biełaruś». Jon znachodzicca prykładna za 50 km ad MKAD niedaloka ad Maładziečna na bierazie Zachodniaj Biareziny.
Kompleks ahulnaj płoščaj 10 ha byŭ pabudavany ŭ 2002 hodzie ŭ sasnovym bary. Žyły fond raźličany na pražyvańnie 131 čałavieka. Jość lačebny korpus, bar, restaran, prakat rovaraŭ i łyž z kańkami ŭ zimovy čas.
«Hazpram» pabuduje pad Minskam zavod pa vytvorčaści zvadkavanaha hazu
Žychar Viciebska pazbaviŭsia 450 tysiač rubloŭ na «inviestycyjach u Hazpram»
25 hod tamu ŭ Minsku adkryli Maskoŭski aŭtavakzał — zhadvajem jaho los FOTY