Žychar Viciebska pazbaviŭsia 450 tysiač rubloŭ na «inviestycyjach u Hazpram»
Žychar Viciebska straciŭ na virtualnych inviestycyjach kala 450 tysiač rubloŭ, staŭšy achviaraj afierystaŭ, paviedamili ŭ MUS.
U siecivie 34-hadovy mužčyna zaŭvažyŭ rekłamu nibyta karparacyi «Hazpram». Patencyjny najmalnik prapanoŭvaŭ dadatkovy zarobak. Varyjant zacikaviŭ viciablanina, tamu jon pierajšoŭ pa spasyłcy i pakinuŭ zajaŭku.
Praź niejki čas ź im u miesiendžary źviazaŭsia čałaviek, jaki prapanavaŭ svaju dapamohu z rehistracyjaj na biržy i kansultacyi pa inviestycyjach.
Viciablanin vykanaŭ ukazańni nieviadomaha. Ašukancy padavali mužčynu rekvizity rachunkaŭ i kryptavalutnych kašalkoŭ, jakija toj papaŭniaŭ na praciahu troch miesiacaŭ.
Pry hetym jon pieravodziŭ nie tolki asabistyja hrošy, ale i kredytnyja, i pazyčanyja.
Kali paciarpieły vyrašaŭ vyvieści zaroblenyja srodki, złamyśniki zmušali jaho płacić jašče, prydumlajučy novyja pryčyny. Suviaź ź imi źnikła paśla admovy mužčyny papaŭniać rachunki.
Śledčyja raspačali kryminalnuju spravu za machlarstva ŭ asabliva bujnym pamiery.
-
«Na abočynie lažyć trup mužčyny». Surjoznaja avaryja na trasie Minsk — Homiel
-
U Hrodnie hanialisia za taksistam-kamikadze. Jon abhaniaŭ pa dźviuch pałosach na sustrečcy
-
Šnobiel-2024: chto zdolny dychać praz anus, jak adździalić pjanych čarviakoŭ ad ćviarozych i ci možna hołuba vykarystać dla naviadzieńnia rakiet
Kamientary