Ałbanija pačała pradmietnyja pieramovy ab ustupleńni ŭ Jeŭrasajuz
Pradstaŭniki Brusiela i Tyrany 15 kastryčnika sustrelisia ŭ Luksiemburhu dla abmierkavańnia pytańniaŭ, jakija ŭjaŭlajuć uzajemnuju cikavaść, u pryvatnaści adnosna viaršenstva zakona ŭ Ałbanii. Tym samym praz bolš čym dva hady paśla pačatku dyjałohu ab ustupleńni Ałbanii ŭ ES pačalisia pieramovy pa sutnaści.
15.10.2024 / 20:19
Vid na stalicu Ałbanii Tyranu. Fota: freepik.com
«My padrychtujem Ałbaniju da ŭstupleńnia ŭ ES da 2030 hoda», — paabiacaŭ premjer-ministr krainy Edzi Rama.
«Lubaja alternatyva členstvu ŭ ES budzie aznačać admovu ad vybranaha nami ładu žyćcia», — pierakanany ałbanski premjer.
Vajna Rasii va Ukrainie pakazała, «što Zachodnija Bałkany patrebnyja dla bolš mocnaha Jeŭrapiejskaha Sajuza, u toj ža čas i sami Zachodnija Bałkany majuć patrebu ŭ dałučeńni da Jeŭrapiejskaha Sajuza», — padkreśliŭ jon.
Ałbanija padała zajaŭku na siabroŭstva ŭ ES u 2009 hodzie, adrazu paśla ŭstupleńnia ŭ NATA. Pieršaja mižuradavaja kanfierencyja pa pieramovach ab ustupleńni adbyłasia ŭ lipieni 2022 hoda.
Na praciahu doŭhaha času zruchi ŭ hetym pytańni ŭviazvalisia z prahresam u jeŭraintehracyi Paŭnočnaj Makiedonii, adnak sioleta u vieraśni krainy ES admovilisia ad hetaj praktyki, tamu pieramovy atrymali novy impuls.
U Ałbanii źbirajucca stvaryć novuju karlikavuju musulmanskuju dziaržavu
Dzie znachodziacca krainy z samym maładym nasielnictvam?