U Ałbanii źbirajucca stvaryć novuju karlikavuju musulmanskuju dziaržavu
U stalicy Ałbanii Tyranie chočuć stvaryć karlikavuju dziaržavu pa typie Vatykana. Tam budzie dazvoleny ałkahol, žančyny zmohuć nasić toje, što chočuć, i nie budzie naviazvacca nijakich praviłaŭ ładu žyćcia. U dziaržavy buduć taksama ułasnaja administracyja i pašparty, piša The New York Times.
Premjer-ministr Ałbanii Edzi Rama zajaviŭ, što ŭ najbližejšaj budučyni jon abvieścić pra płany stvareńnie Suvierennaj dziaržavy ordena Biektašy.
«Boh ničoha nie zabaraniaje. Voś čamu jon daŭ nam rozum», — skazaŭ relihijny lidar sufijskaha ordena Biektašy Edmand Brachimaj, jaki maje namier kiravać novastvoranym ankłavam.
Terytoryja mierkavanaj novaj isłamskaj dziaržavy ŭjaŭlaje saboj kompleks u žyłym rajonie ź nizkaj arendnaj płataj na ŭschodzie Tyrany. Heta ŭsiaho tolki čverć płoščy Vatykana.
Premjer Rama patłumačyŭ, što meta novaj dziaržavy — prasoŭvańnie talerantnaj viersii isłamu, jakoj Ałbanija hanarycca. «My pavinny bierahčy hety skarb, jakim źjaŭlajecca relihijnaja pamiarkoŭnaść, i jaki my nikoli nie pavinny prymać jak naležnaje», — skazaŭ jon.
Sa słoŭ premjer-ministra, adkryta ŭmieranaja isłamskaja mikradziaržava pasłała b sihnał: «Nie dazvalajcie stereatypam pra musulman vyznačać, chto takija musulmanie».
Orden Biektašy prapavieduje ŭmierany isłam. Pavodle infarmacyi niamieckaha humanitarnaha prajekta Renovabis, da hetaha ordena naležyć tolki 2,1% nasielnictva Ałbanii.
-
Rasijski apazicyjanier Jašyn raskazaŭ, čamu nie choča raspadu Rasii i jak dumaje pracavać ź biełaruskimi palitykami — repartaž
-
Łancužki pastavak jak instrumient źniščeńnia. Padziei ŭ Livanie pakazali, što luby tavar na płaniecie moža stać zbrojaj
-
«Chiezbała» zapuściła bolš za 100 rakiet pa Izrailu, CACHAŁ nanios udary pa Livanie
Kamientary