Hałoŭnaha treniera futbolnaj zbornaj Kazachstana aštrafavali za niepavahu da kazachskaj movy
16.10.2024 / 18:33
Hałoŭnaha treniera zbornaj Kazachstana rasijanina Stanisłava Čarčesava aštrafavali na 738,4 tys. tenhie (kala 1650 dalaraŭ) z-za jahonaj sproby pažartavać pra kazachskuju movu. Zrabili heta «ŭ ramkach etyčnaha rehłamientu».
Stanisłaŭ Čarčesaŭ. Fota: AP Photo/Denes Erdos
Stanisłaŭ Čarčesaŭ 13 kastryčnika paśla projhryšu zbornaj Słavienii ŭ Lizie nacyj (0:1) adkazaŭ žurnalistu ŭ futbołcy kłuba «Pary Sien-Žermien», jaki zadaŭ pytańnie na kazachskaj, ci nie na francuzskaj jon havoryć.
Na hety incydent adreahavała Ministerstva turyzmu i sportu krainy, jakoje zapatrabavała tłumačeńniaŭ.
U Fiederacyi futboła Kazachstana patłumačyli, što heta, maŭlaŭ, byŭ žart, a Čarčesaŭ nibyta ź vialikaj pavahaj stavicca da kazachskaj movy i aktyŭna jaje vyvučaje. Tym nie mienš, štraf na jaho nakłali:
«Jość pamyłki, my tolki ŭčora pra heta havaryli z žurnalistami. Humar Čarčesava, viadoma, vychodzić za ramki. Ja asabista pierahavaryŭ ź im, patłumačyŭ aktualnaść i pryjarytet dziaržaŭnaj movy. My praviali ź im hutarku, pracu. Jamu vystaŭleny štraf», — skazaŭ kiraŭnik Kazachstanskaj fiederacyi futbołu Adlet Barmienkułaŭ.
Čarčesaŭ traplaje ŭ takuju situacyju ŭžo nie pieršy raz. U červieni na zadadzienaje na kazachskaj movie pytańnie jon prapanavaŭ adkazać pa-asiecinsku. Sam jon rodam z Paŭnočnaj Asiecii, a treniruje kazachstanskuju zbornuju z červienia.
Raniej jon byŭ viadomy jak futbalist, jaki ŭ 1990-ja hady źjaŭlaŭsia adnym z asnoŭnych hałkipieraŭ rasijskaj zbornaj. Paśla ŭ 2016-2021 hadach jon kiravaŭ zbornaj Rasii jak trenier.
Čytajcie taksama:
Ciurkskija dziaržavy damovilisia pra adziny łacinski ałfavit. Ubaku tolki Kyrhyzstan
Niekalki krain byłoha SSSR samastojna zaćvierdziać nacyjanalnyja ałfavity na bazie ahulnaciurkskaha