Adras krajaznaŭčaha sajta palitviaźnia Jaŭhiena Mierkisa pierakupiła kazachstanskaje kazino
Sam sajt źnik jašče ŭ 2022 hodzie, a ciapier pa hetym adrasie raźmiaščajecca anłajn-kazino z Kazachstana, zaŭvažyła vydańnie «Štodzień». Pierakupam padałasia ŭdałaj ideja raźmiaścić hulniavuju ŭstanovu na damienie «Naš kraj.info».
16.10.2024 / 19:19
Raniej pa hetym adrasie byŭ «Krajaznaŭčy sajt Homiela i Homielščyny», dzie raźmiaščałasia šmat unikalnaj infarmacyi pa krajaznaŭstvie i historyi rehijona. Jon pierastaŭ pracavać u kastryčniku 2022 hoda.
Jahony stvaralnik Jaŭhien Mierkis byŭ zatrymany ŭ vieraśni taho ž 2022-ha. U 2023 hodzie jaho asudzili na 4 hady pazbaŭleńnia voli.
Jaŭhien Mierkis i taksama palitźniavolenaja Łarysa Ščyrakova na sudzie 24 maja 2021 hoda. Tady ŭ ich byli administracyjnyja spravy
Pravaabaronca Leanid Sudalenka paviedamlaŭ, što ŭ kałonii Jaŭhien Mierkis šyje abutak: «Jon zbolšaha ŭ paradku, žyćcio dla tych miescaŭ standartnaje, na zdaroŭje nie skardzicca».
Stali viadomyja niekatoryja detali sudovaj spravy Jaŭhiena Mierkisa
Tak ciapier vyhladaje palitźniavoleny žurnalist Jaŭhien Mierkis FOTA
Pieratrusy pa piaci adrasach. Padrabiaznaści zatrymańnia žurnalista Jaŭhiena Mierkisa