Žurnalistu Jaŭhienu Mierkisu dali čatyry hady kałonii ŭzmocnienaha režymu
Siońnia ŭ Homieli abviaścili prysud homielskamu žurnalistu i krajaznaŭcu Jaŭhienu Mierkisu.
Finalnaje sudovaje pasiadžeńnie, na jakim sudździa Alaksiej Chłyščankoŭ ahučyŭ vyrak, prajšło ŭ adkrytym farmacie. Abvinavačany mieŭ prava na apošniaje słova, čym Jaŭhien i skarystaŭsia. Pavodle infarmacyi «Štodnia», žurnalist zachoŭvaje badziory nastroj i pierakanany ŭ svajoj racyi.
Jaŭhiena Mierkisa abvinavacili pavodle č. 1 i č. 2 art. 361-4 KK (Prapahanda ekstremisckaj dziejnaści), a taksama č. 3 art. 361-1 KK (udzieł u ekstremisckim farmavańni) i asudzili na čatyry hady kałonii ŭzmocnienaha režymu.
Pravaabaroncy pryznali Jaŭhiena palitviaźniem.
Niadaŭna stała viadoma, što čatyry dni žurnalist pravioŭ u karcary SIZA-3. Takimi žorstkimi ŭmovami ŭtrymańnia jaho pakarali za toje, što jon «nie pahaliŭsia».
Kamientary