U Sudanie źbili hruzavy samalot z rasijanami na borcie
Pra padzieńnie samalota paviedamiła rasijskaja ambasada ŭ hetaj krainie.
21.10.2024 / 20:02
Fota ilustracyjnaje
Zona krušeńnia znachodzicca ŭ achoplenym bajami Darfury na zachadzie Sudana, havorycca ŭ paviedamleńni ambasady. Ciapier vyśviatlajucca abstaviny zdareńnia.
RBK sa spasyłkaj na siły chutkaha reahavańnia Sudana piša, što rasijanie byli ŭ składzie ekipaža samalota, i publikuje videa ź miesca avaryi.
Pavodle źviestak ŚMI, na borcie źbitaha samalota, jak miarkujecca, znachodziŭsia hałoŭny inžynier kampanii Airline Transport Incorparation FZC, hramadzianin Rasii Viktar Hranaŭ. Śćviardžajecca, što jon zahinuŭ. Ź im na samalocie byli jašče niekalki kaleh.
Staražytnaści z razrabavanych muziejaŭ Sudana pradajucca za biescań na aŭkcyjonach