U minskim parku Horkaha źbirajucca znosić «Kazačny zamak»
Budynak kaviarni «Kazačny zamak» u parku Horkaha rychtujuć da znosu. Užo pačalisia padrychtoŭčyja raboty, piša telehram-kanał «Minsk i minčanin».
21.10.2024 / 22:04
Fota: t.me/pureminsk
Budynak, aficyjny adras jakoha vulica Frunzie, 2b, raźmiaščajecca na bierazie sažałki.
«Kaviarnia ŭvachodziła ŭ sietku adnajmiennych piceryj i prapracavała tut 17 hadoŭ, ale nie pieražyła pandemiju karanavirusa», — paviedamlaje «Minsk i minčanin».
Fota: t.me/pureminsk
Raniej paviedamlałasia, što park imia Horkaha rekanstrujujuć. Padrychtoŭčyja mierapryjemstvy startavali 7 kastryčnika. Prajektam praduhledžanaja zamiena inžyniernych sietak i častkova aśviatleńnia.
Akramia taho, tut pastaviać adnatypnyja handlovyja paviljony. Ich źniešni vyhlad uzhodnieny ź Ministerstvam kultury i Kamitetam architektury Minharvykankama, bo park ličycca historyka-kulturnaj kaštoŭnaściu. Taksama adkryjuć dadatkovyja zony adpačynku i novuju dziciačuju placoŭku.
Skončyć rekanstrukcyju parku płanujuć da pačatku novaha siezona atrakcyjonaŭ. Zvyčajna jon pačynajecca ŭ kancy krasavika.
U parku Horkaha ŭ kastryčniku pačniecca rekanstrukcyja
Samy viadomy minski zahs pierajechaŭ u inšaje miesca
Žycharam Minska zadarma razašluć 300 tysiač fota ź vidami horada