Žycharam Minska zadarma razašluć 300 tysiač fota ź vidami horada
Hrupa kampanij «A-100» na svajo 30-hodździe zapuściła art-prajekt pra Minsk. Kala 300 tysiač žycharoŭ biełaruskaj stalicy atrymajuć pa pošcie «lampavyja» fotakartki z art-zdymkami stalicy. A jašče vypuščanaja kalekcyja adzieńnia, pryśviečanaja novym kvartałam ad zabudoŭščyka.
Śpiecyjalna dziela prajekta biełaruski stryt-mastak Hraf Kalihraf raskryŭ charaktar horada praz atmaśfiernyja zdymki. Kadry źniatyja jak u centry, tak i na ŭskrainach, kab pakazać uzajemasuviaź staroha i novaha Minska. U abjektyŭ, u pryvatnaści, trapiła Asmałoŭka.
Fotaraboty vystavili na ekspazicyi pad adkrytym niebam na vulicy Kamsamolskaj — pamiž damami № 8 i 12 pobač z haradskim hadzińnikam. Pracavać jana budzie da siaredziny kastryčnika.
Arhanizatary taksama adpraviać na paštovyja skryni minčukoŭ kala 300 tysiač fotakartak z «ciopłymi» vidami stalicy. Pierš za ŭsio ich atrymajuć žychary novych mikrarajonaŭ.
Biaspłatnyja paštoŭki z art-zdymkami Minska taksama možna biaspłatna ŭziać na pamiać u kaviarniach «Ziernie» na Niezaležnaści, 46 i Internacyjanalnaj, 29, u kramie LSTR na Kulman, 3, u ofisach prodažaŭ «Novaj Baravoj», «Zialonaj havani» i Depo.
Akramia taho, da Dnia horada «A-100» i brend adzieńnia LSTR vypuścili kapsulnuju kalekcyju z pryntami, na jakich namalavanyja vyšejnazvanyja kvartały i znakamityja vazy kala parku Horkaha, koler jakich, zdajecca, u svoj čas abmiarkoŭvaŭ uvieś horad.
Pad Minskam źjaviacca hateli dla nasiakomych
Jakim budzie kvartał Depo ŭ centry Minska i čym natchnialisia jaho aŭtary
Pad Minskam pabudujuć niezvyčajny piacipaviarchovik. Žycharam abiacajuć učastki dla mini-sadu i ułasnyja spa-terasy na dachu
Adkryćcio centralnaj płoščy ŭ Novaj Baravoj naviedaŭ ledź nie ŭvieś kvartał FOTY
Kamientary