Шоўмен Арцём Рыбакін перакваліфікаваўся ў брокера па нерухомасці
Агенцтва «Рыбакіны», у якое ўваходзіць сам Арцём, а таксама яго жонка Таіс, прапаноўвае паслугі па падборы нерухомасці на Паўночным Кіпры і Балі.
23.10.2024 / 07:00
Арцём Рыбакін. Фота: @artemrybakin
Блогер Арцём Рыбакін быў вельмі папулярны ў нулявыя, дзякуючы праектам «Клубны штрых» і «Гаўно-пытанне». У Беларусі ён адкрыў уласную прадакшн-студыю Rybaking Production. А ў 2022 годзе разам з усёй сям’ёй перабраўся на Паўночны Кіпр.
Прайшоўшы ўласны шлях з набыццём жытла і афармленнем ВНЖ на Кіпры, Рыбакіны працягнулі інвеставаць у нерухомасць і, урэшце, вырашылі дзяліцца сваім досведам з іншымі (варта нагадаць, што Паўночны Кіпр — непрызнаная дзяржава).
Фота: @rybakinyrealestate
Сёння іх рыэлтарская кампанія мае філіялы ў Дубаі, на Балі, у Тайландзе і ў Лондане.
«За што б я ні браўся, я заўсёды імкнуўся стаць лепшым ці быць сярод лепшых. Так было і калі я вучыўся на псіхолага, і калі я быў адным з самых папулярных тэлевядоўцаў Беларусі. Галоўная мая мэта — працаваць сумленна, каб мае кліенты заставаліся мне ўдзячныя і раілі сябрам. Таму я паступіў у Маскоўскі інстытут прафесійнай адукацыі па спецыяльнасці «Рыэлтар. Спецыяліст па аперацыях з нерухомасцю», — абазначыў сур’ёзнасць намераў развівацца ў новаабранай сферы Рыбакін.
Кансультацыя ў Рыбакіных для кліентаў, па іх словах, бясплатная:
«Нам плацяць забудоўшчыкі, а працуем мы толькі з тымі, у каго ўсё ў парадку з дакументамі, тытуламі і землямі».
«Ёсць растэрміноўка на 6 год». Шоўмен Арцём Рыбакін пераехаў на Паўночны Кіпр і набыў там жытло
Як беларусы робяць з хрушчовак сучасныя еўракватэры ФОТЫ