«У нас атрымалася як у бацькоў, але як у мужа і жонкі — не». Мадэлька Вольга Нікіфарава развялася з шоумэнам Арцёмам Рыбакіным
Вольга Нікіфарава паведаміла ў інстаграме пра свой развод.
«Часам здараецца, што два чалавекі павінны сустрэцца, каб зрабіць нешта выдатнае. Так здарылася калісьці з намі. Мы сустрэліся з Арцёмам і на свет з'явілася Ева. Наш цуд і самае лепшае, што здарылася ў нашым жыцці. Як у маці і таты ў нас атрымалася, як у мужа і жонкі — не. Так бывае. Прайшоўшы складаны этап неразумення, крыўд, мы ўсё ж знайшлі ў сабе сілы застацца ў добрых стасунках дзеля нашай дачкі і з павагі адзін да аднаго і ўсяго добрага, што паміж намі было за гады сумеснага жыцця. Мы даўно паставілі кропку ў нашых адносінах і адпусцілі адзін аднаго, каб стаць па-сапраўднаму шчаслівымі», — напісала Вольга.
Пара ажанілася ў 2014 годзе. На той момант Вольга ўжо была вядомая яе мадэль, якая мела тытулы «Міс Вясна» (2010 год), а таксама «Міс талент» на конкурсе «Міс Беларусь» у 2012 годзе. Вольга з'яўляецца тварам многіх рэкламных брэндаў, а таксама спрабуе свае сілы ў якасці тэлевядучай: так, яна вяла праект «Раніца на музе» на БелМузТБ, а таксама шоу «Вяселле без баяна». Арцём у свой час стаў вядомы дзякуючы правакацыйным шоу на ютубе кшталту «Гаўно пытанне» і «Клубны штрых». Сёння ён кіруе ўласнай кампаніяй па вытворчасці відэа Rybaking production.
Вяселле зорнай пары.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна14
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары