Nazvana data prezidenckich vybaraŭ: až na paŭhoda raniej za mahčymy termin
Vybary prezidenta Biełarusi pryznačanyja na 26 studzienia 2025 hoda. Jany projduć užo za try miesiacy.
23.10.2024 / 10:37
Alaksandr Łukašenka atrymlivaje orden z ruk Uładzimira Pucina, 9 kastryčnika 2024 hoda. Fota: Sergei Ilnitsky Pool Photo via AP
Takoje rašeńnie zaćvierdžanaje na pasiadžeńni Pałaty pradstaŭnikoŭ, pieradaje BIEŁTA. U biełaruskich realijach prymaje takoje rašeńnie nie parłamient, a Administracyja prezidenta, a deputaty tolki farmalna zaćviardžajuć.
Pavodle kalendara praviadzieńnia vybaraŭ, jany pavinny byli adbycca nie paźniej za 20 lipienia.
U kancy vieraśnia staršynia Centrvybarkama Ihar Karpienka havaryŭ, što razhladajucca niekalki mahčymych dat dla praviadzieńnia prezidenckich vybaraŭ u nastupnym hodzie. «Jość čatyry prykładnyja daty praviadzieńnia vybaraŭ, uklučajučy krajniuju — 20 lipienia 2025 hoda», — zajaviŭ Karpienka, nie nazyvajučy ich.
«Biełpoł» u žniŭni sa spasyłkaju na krynicy nazyvaŭ imaviernuju datu prezidenckich vybaraŭ — 23 lutaha 2025 hoda.
U vyniku Alaksandr Łukašenka vybraŭ jašče raniejšuju. Pra toje, što vybary blizka, śviedčyli masiravanaja prapahandysckaja kampanija ŭ apošnija miesiacy, pavyšeńnie zarobkaŭ i piensij, a taksama intensiŭnyja pajezdki Alaksandra Łukašenki pa krainie, niahledziačy na jaho prablemy sa zdaroŭjem.
{POLL#1250}
Łukašenka: Vybary vybarami, my ich pravodzili nie adnojčy. I hetyja praviadziem
Karpienka zajaviŭ, što pačynajecca padrychtoŭka arhanizataraŭ vybaraŭ
Maskva abiacaje dapamohu Minsku na vybarach 2025 hoda «ŭ vypadku destabilizacyi»
Hajdukieviču prapanujuć stać pratesnym kandydatam na prezidenckich vybarach
Hanna Kanapackaja płanuje bałatavacca na vybarach-2025