Hajdukieviču prapanujuć stać pratesnym kandydatam na prezidenckich vybarach
Data nastupnych prezidenckich vybaraŭ aficyjna pakul nie abvieščana, ale mahčymych kandydataŭ užo abmiarkoŭvajuć.
Niadaŭna pradprymalnik Alaksandr Knyrovič u iraničnaj formie vykazaŭsia ŭ padtrymku Aleha Hajdukieviča, raz nikoha z apazicyi ŭ biuleteni nie dapuściać. Ideja ŭ tym, što, masava prahałasavaŭšy za Hajdukieviča, vybarcy mohuć pakazać svaju niazhodu z Łukašenkam.
Palityčny analityk Alaksandr Frydman u efiry «Obyčnoho utra» prakamientavaŭ hetu ideju. Jon ličyć, što kali ideja padtrymki Hajdukieviča ŭ jakaści pratesnaha kandydata budzie prasoŭvacca praz demakratyčnyja koły, to lidar Libieralna-demakratyčnaj partyi nie pojdzie na vybary.
«Jon ža idzie tolki pa admašcy», — adznačaje Frydman i zaŭvažaje, što
ciapier pierad uładami staić davoli składanaja zadača znajści takich kandydataŭ, za jakich nichto, navat u ramkach pratestu, nie budzie hałasavać.
«Ja nie ŭpeŭnieny, što Hajdukievič uvohule źjavicca. Bo ŭ jaho vypadku vielmi składana ŭjavić, što jon moža tam vysoŭvać. Havaryć, što Łukašenka — samy lepšy kandydat? Toje, što jon havoryć zvyčajna? U jaho ž, u pryncypie, navat nijakaha adroźnieńnia ad taho, što havoryć Łukašenka, niama. I ŭ jaho niama ničoha, čym by jon moh niejak źviarnuć na siabie ŭvahu. U hetym sensie nie dumaju, što tam jość niejkija surjoznyja pierśpiektyvy», — razvažaje Frydman.
A kaho mohuć upisać u biuleteń?
«Tam moža być Łukašenka, umoŭna kažučy, Kanapackaja, i, mahčyma, niejki čałaviek, jaki zusim nievyrazny, zusim niezrazumieły. Kab ich było chacia b troje. Ja dumaju, što na mienš čym try kandydaty jany ŭsio ž taki nie pahodziacca», — ličyć Frydman.
«Zrazumieła, tearetyčna mahčymy i Hajdukievič pa pryncypie: kali inšych niama, to možna i jaho ŭziać», — dadaje analityk, ale jon nie dumaje, što ŭsie raptam pačnuć addavać hałasy za Hajdukieviča pa pryncypie «tolki b nie Łukašenka».
«Dla takoj kampanii Hajdukievič vielmi ž dziŭnaja fihura. Kali niešta padobnaje pačniecca (a heta było b vielmi daścipna skazać — hałasujcie tady ŭsie za Hajdukieviča), davajcie pahladzim, što pačniecca chutčej: Hajdukievič, jaki dabiažyć da vybarkama i zdymie svaju kandydaturu, abo hetaja kampanija, jakaja nabudzie masavy charaktar u internecie. Dumaju, što ŭsio ž taki Hajdukievič pabiažyć u vybarkam chutčej», — vykazaŭ svajo mierkavańnie Alaksandr Frydman.
Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»
Hajdukievič daŭ intervju «ekstremisckamu» vydańniu i raskazaŭ, čamu členy jahonaj partyi vyhladajuć jak kłony
Labiedźka: Hajdukievič — heta palityčny botaks biełaruskaj palityki
Hanna Kanapackaja płanuje bałatavacca na vybarach-2025
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary
Jon nie našaha rodu. Heta kandydat ad Kačanavaj, Azaronka, Karpiankova, Mukazvončyna, Volfaviča, Mołastava i ŭsich tych chto nienavidzić Biełaruś, biełaruskuju movu, kulturu i biełaruski narod.