U jakich čatach siadzieŭ hubazikaviec Artur Hajko i što tam pisaŭ?
Dniami my pisali pra toje, što supracoŭnik HUBAZiKa Artur Hajko — administratar najbujniejšaha z-kanała ź biełaruskimi karaniami, jaki nazyvajecca «Biełorusskij siłovik». Jon ža zdoleŭ raniej ukaranicca ŭ prajekt «Čornaja kniha Biełarusi». Ale Hajko siadzieŭ i šmat u jakich inšych čatach. U jakija ž supołki ŭ telehramie ustupaŭ i, ličy, manitoryŭ Hajko?
24.10.2024 / 19:25
Pieršyja kamientary ad Artura Hajko zaŭvažanyja 9 žniŭnia 2020 hoda. Tady jon raspaŭsiudžvaŭ infarmacyju z roznych prapahandysckich resursaŭ (naprykład, bloxers, jaki, imavierna, i vioŭ HUBAZiK).
Kamientar Artura Hajko
Abmiarkoŭvaŭ siłavik taksama Ramana Pratasieviča ŭ adnym z čataŭ. Ludzi, jakija stasavalisia z Hajko paśla jaho vykryćcia, śćviardžajuć, što jon vychvalaŭsia, što nie cisnuŭ ruku Pratasieviču, bo heta «zaškvar».
Kamientar Artura Hajko
Adzin z admietnych kamientaroŭ datyčyć sprečki ŭ čacie «Žodzina dla žyćcia». Tut Hajko piša, što čaty ź sietki «97%» — «heta halina Niechty». I deananimizuje adzin z akaŭntaŭ supracoŭnika BYPOL Uładzimira Žyhara.
Kamientary Artura Hajko
U jakija ž supołki ŭ telehramie ŭstupaŭ i, ličy, manitoryŭ Hajko?
Pa vialikim rachunku, jon pracavaŭ jak usie apieratyŭniki HUBAZiK. U jaho manitorynhu byli rajonnyja (naprykład, Malinaŭki dy Sierabranki) dy haradskija čaty («Viciebsk 97%», «Žodzina dla žyćcia»), čaty pradpryjemstvaŭ («Biełšyna dla žyćcia», «Śvitanak» i inš.), ahulna-pratesnyja čaty («Kiroŭcy 97», «Kantrol aŭtazakaŭ» i h.d.), čaty kapačoŭ, ajcišnikaŭ (FreeIT, Arch Linux).
Miarkujučy pa historyi źmieny imionaŭ, jakuju my pryvodzili ŭ rasśledavańni pra «Biełorusskij siłovik», jon pracavaŭ taksama pa anarchistach, bo adzin ź jahonych niknejmaŭ byŭ taki ž, jak u admina adnaho z tematyčnych čataŭ (Rebel Spirit).
Supołki, u jakich zaŭvažany akaŭnt Artura Hajko
Taksama jon cikaviŭsia čatami, dzie kuplajuć mašyny z ZŠA i dzie mianiajuć kryptavalutu. Ale hetym to jon moh cikavicca i dla asabistych patrebaŭ.
Kali vam važnaja praca, jakuju robiać žurnalisty «Našaj Nivy», padtrymajcie nas danatam praz «Patreon».
{POLL#1250}
My identyfikavali adnaho z hubazikaŭcaŭ, jaki zapisvaje videa z zatrymanymi. Što pra jaho viadoma?