Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki
Telehram-kanał «Biełorusskij siłovik» uźnik u sakaviku 2022 hoda, kali rasijanie šturmavali Kijeŭ. Dziakujučy kałabaracyjam z takimi ž rasijskimi Z-kanałami i raspalvańniu vajennaj isteryi, jon uźlacieŭ da 352 tysiač padpisčykaŭ. «Naša Niva» pajšła pa śladach, pakinutych jaho stvaralnikam u internecie.
Efiektyŭnaść dakazvajecca kolkaściu padpisčykaŭ, pakazaŭ i repostaŭ. I nie zaŭsiody zakazčyki sočać za tym, kamu hetyja pakazy. Tak kanały biełaruskaha telebačańnia, u samoj Biełarusi niepapularnyja, drejfavali ŭ jutubie ŭ kirunku «ruskamirnaj» aŭdytoryi. Dola prahladaŭ ź Biełarusi ŭ niekatorych ź ich mienš za dziasiatuju častku, da biełarusaŭ jany nie dachodziać, ale absalutnyja ličby zamiłoŭvajuć ich kiraŭnictva.
Prykładna toje samaje adbyłosia ŭ telehram-siehmiencie. «Biełorusskij siłovik» adzin z samych radykalnych i, za košt toj samaj Z-aŭdytoryi, samych vialikich.
«Siłovik» i padobnyja da jaho kanały vykonvajuć i jašče adnu funkcyju, jakaja moža mieć ciažkija palityčnyja i maralnyja nastupstvy dla našaj dziaržavy, a moža być i ŭsiaho čałaviectva: jak i inšyja padobnyja kanały, jon paśladoŭna pracuje na radykalizacyju siłavikoŭ, na ścirańnie adroźnieńniaŭ u ich śvietapohladzie ad rasijan. Hałoŭnaja ideja prostaja: Rasija pavinna zavajavać śviet, dla hetaha najpierš Ukraina maje być zachoplenaja, i niavažna, kolki kryvi daviadziecca dziela hetaha pralić. U hetaj karcinie śvietu niama miesca nie tolki kampramisam, demakratyi, dyjałohu, ale i humanizmu i zakonnaści jak takim. Ich aŭtary — nośbity hetaj typova fašysckaj, tatalitarnaj, chaj daruje čytač hetaje zaciortaje słova, ideałohii. Kult siły, kult ułady, zbroi i kryvi — i ničoha bolš. Biełarusi sa svaimi asobnymi intaresami ŭ hetaj karcinie śvietu prosta niama miesca.
Mienavita tamu nas cikaviła, chto ž robić hety kanał.
Naš vyvad: jon vyras u kabiniecie HUBAZiKa.
«Abjadnany sajuz revalucyi»
Kanał z ID, jakoje ciapier maje «Biełaruski siłavik» (-1396864349), byŭ stvorany ŭ listapadzie 2020 hoda. I nazyvaŭsia jon «Abjadnany sajuz revalucyi» (@shpsr2). Tak, kanał abjadnoŭvaŭ vakoł siabie sietku kanałaŭ, jakija zaklikali da samych rašučych dziejańniaŭ dy źbirali pad heta hrošy.
Kanał byŭ stvorany adrazu paśla zatrymańnia administratara pieršapačatkovaha kanała «Abjadnany sajuz revalucyi» (mieŭ juzierniejm @shpsr1) dy kanała «Lehijon», jakoje adbyłosia 23 listapada. Praŭda, pražyŭ novastvorany kanał niadoŭha, usiaho 3 dni, i znoŭku byŭ zachopleny HUBAZam.
Treciaja kopija kanała «Abjadnanaha sajuza revalucyi», stvoranaja 26 listapada 2020 hoda, pracuje i dahetul i vyhladaje prajektam realnaha čałavieka. Maje 100 padpisčykaŭ.
U toj momant źjaŭlałasia šmat mutnych kanałaŭ, jakija zaklikali da radykalnych dziejańniaŭ, samyja viadomyja ź jakich — AHSB, «Lehijon», Kiroŭcy 97. U kanałach zvyčajna źbiralisia hrošy «na patreby revalucyi» (jakija źnikali adrazu paśla zatrymańnia administrataraŭ) i publikavalisia videa z radykalnych akcyj u roznych kutkach Biełarusi, za jakija niekatoryja kanały abiacali hrošy. Administratary pijaryli siabie roznymi mietadami, niekatoryja navat kuplali sabie padpisčykaŭ-botaŭ dla «salidnaści».
Niekatoryja z takich kanałaŭ stvarali łukašenkaŭskija śpiecsłužby — dla dyskredytacyi pratestaŭ radykalnymi idejami i dla vyjaŭleńnia nośbitaŭ takich idej. Ale nie ŭsie. Časam ich stvarali i sami radykalna nastrojenyja biełarusy.
I ŭ pieršym, i ŭ druhim vypadkach skančałasia adnolkava niaviesieła dla datyčnych: u kanały ŭkaranialisia śpiecsłužbisty dy zatrymlivali tych, kaho mahli zdeananimizavać siarod administrataraŭ, i tych, chto byŭ aktyŭny ŭ čatach. «Revalucyjnyja» hrošy, padobna, zabirali sabie siłaviki, kali mahli da ich daciahnucca. Značnuju častku takich kanałaŭ začyścili ź vieraśnia da śniežnia 2020 hoda.
Asnovu aktyvu kanałaŭ takoha kštałtu składali nie nadta abaznanyja ŭ biaśpiecy, ale złyja na dziejańni łukašystaŭ ludzi, mnohija ź ich prajšli źbićcio i ździeki ŭ RUUSach, aŭtazakach i na Akreścina. Mnohija ź ich paśla atrymali vializarnyja terminy źniavoleńnia, jak, naprykład, udzielniki spravy AHSB.
«Pratesny elektarat»
Praz dva tydni paśla zatrymańnia administratara, 7 śniežnia, kanał pierajmienavaŭsia ŭ «Pratesny elektarat». Akurat tady śpiecsłužby pačali vykarystoŭvać zachoplenyja telehram-kanały pad patreby prapahandy.
Spačatku «Elektarat» byŭ niečym kštałtu źliŭnoha bačka HUBAZiKa — tudy vykładali asabistyja paviedamleńni i fota ludziej, represavanych režymam Łukašenki, a taksama ich asabistyja źviestki. Vykładalisia i asabistyja źviestki praciŭnikaŭ režymu za miažoj.
Padpisčykaŭ tudy, padobna, spačatku nakrucili — z pary socień ich kolkaść za paru dzion vyrasła bolš čym da 10 000 čałaviek, a paśla arhanična padała da kalanulavoha značeńnia. U vyniku kanał zdźmuŭsia za paru miesiacaŭ da 1500 padpisčykaŭ.
Kanał zusim pierastaŭ abnaŭlacca 27 lutaha 2022 hoda. A 14 sakavika 2022-ha ź jaho vydalili ŭsie publikacyi.
«Biełorusskij siłovik»
Kanał pierajmienavaŭsia ŭ «Biełorusskij siłovik» akurat 14 sakavika, paśla taho, jak Telegram u druhi raz zabłakavaŭ sietku kanałaŭ HUBAZiKa. U pieršaj publikacyi jość pramaja spasyłka na HUBAZiK, a taksama pažadańnie Duravu stać samomu «v pokajatielnoje vidieo u dvieriej».
Spačatku kanał byŭ davoli typovy dla HUBAZaŭskaj sietki: prosta repościŭ naviny ź dziaržaŭnych miedyja dy psieŭdainsajdy ad HUBAZiKa. Ale pastupova, pad siaredzinu 2023-ha, aŭtary namacali załatuju žyłu. U atmaśfiery impieryjalistyčnaj isteryi ŭ Rasii Z-prapahanda ŭpieramiežku z materyjałami ad biełaruskich miuleraŭ davała najlepšy pryrost prahladaŭ.
Ciapier heta ličbava najbujniejšy kanał biełaruskaj prapahandy. Kanał pres-słužby Łukašenki maje 224 tysiač padpisčykaŭ, a «Žoŭtyja źlivy» — 51 tysiaču suprać 352 tysiačaŭ u «Siłovika». Ale vyhladaje tak, što absalutnaja bolšaść padpisčykaŭ «Biełorusskaha siłavika» — nie biełarusy.
Damokłaŭ mieč
Imavierna, «Biełorusskij siłovik» ad samaha pačatku vioŭ supracoŭnik HUBAZiKa Artur Hajko. My vyrašyli pajści pakrokava, analizujučy toje, što pra siabie pisaŭ aŭtar kanała. Ale naprykancy znajšli samy prosty dokaz.
Pra siabie aŭtar «Biełorusskoho siłovika» ŭvieś čas piša, što maje dośvied pracy apieratyŭnikam. I heta adpaviadaje partretu Hajko, bo pačynaŭ jon u inśpiekcyi pa spravach niepaŭnaletnich, ale nieŭzabavie pierajšoŭ u adździeł kryminalnaha vyšuku Pieršamajskaha RAUS Viciebska. Paśla słužyŭ apieratyŭnikam HUBAZiKa.
U niekalkich publikacyjach aŭtar kanała piša pra Viciebsk i toje, što hety horad jamu blizki. Hajko akurat ź Viciebska.
U jakaści rekłamnaha kantakta ŭ siaredzinie 2023 hoda ŭ «Biełaruskim siłaviku» byŭ ukazany akaŭnt @belarusian_reklama. Praz rasijskija boty analizu mahčyma daviedacca jaho telefonny numar.
Naležyć jon žančynie, jakaja mieła prablemy z zakonam. Akaŭnt vidavočna byŭ zachopleny siłavikami — raniej jon mieŭ zusim inšaje imia karystalnika. Heta nahadvaje mietady pracy HUBAZiKa, jaki pieryjadyčna zachoplivaje akaŭnty aktyvistaŭ, pra što my pisali tut.
Ale hałoŭny dokaz — imia karystalnika aŭtara kanała. Hajko ŭ jakaści kantaktnaha akaŭnta vyrašyŭ ukazać adzin sa svaich asabistych. Pahladzicie na historyju źmianieńnia imionaŭ akaŭnta:
Čałaviek, jaki sutykaŭsia z Hajko ŭ pieryjad, kali jon byŭ zasłany ŭ «Čornuju knihu Biełarusi», raskazaŭ nam, što «Damokłaŭ Mieč» — heta adzin z asnoŭnych niknejmaŭ Artura Hajko. Mienavita hety akaŭnt moh być tym samym administrataram «Čornaj knihi Biełarusi». Paćviardžaje heta i rasśledavańnie «Miedyjazony».
Only One — jašče adzin ź jahonych psieŭdanimaŭ, jakija jon vykarystoŭvaje i dahetul, pra što my raniej pisali tut.
Vyraz «Damokłaŭ mieč» časta vykarystoŭvaŭsia ŭ kanale «Pratesny elektarat». Bot kanała «Pratesny elektarat» taksama nazyvaŭsia «Damokłaŭ mieč». A kanał adnym ź pieršych raskryŭ asabistyja źviestki ludziej, datyčnych da «Čornaj knihi Biełarusi». Z hetaha možna zrabić vysnovu, što i da minułaha kanała byŭ datyčny Hajko.
Zaŭvažcie taksama charakternuju, paznavalnuju stylistyku — nie vielmi piśmiennaja ruskaja mova, ale z pretenzijami na jarkaść: «pokajatielnoje vidieo» tam, dzie pra Durava, «s čistoho lica» zamiest «z čystaha arkuša» tut.
Chutčej za ŭsio, Artur Hajko viadzie kanał nie adzin. Vierahodna, jamu dapamahajuć ludzi z adździeła, jaki jon uznačalvaje. My ŭžo pisali pra jaho mierkavanaha namieśnika Ivana Vasileviča, zamiašanaha ŭ katavańniach zatrymanych.
Chto taki Artur Hajko?
29-hadovy supracoŭnik HUBAZiKa staŭ viadomy tym, što ŭkaraniŭsia ŭ «Čornuju knihu Biełarusi» (prajekt vykładaŭ imiony i adrasy siłavikoŭ, čynoŭnikaŭ i prapahandystaŭ, zamiašanych u represijach) i dzieviać miesiacaŭ byŭ jaje administrataram.
Heta było samaje hučnaje ŭkaranieńnie biełaruskaha HUBAZiKa ŭ emihrancki asiarodak. Pośpiech byŭ acenieny — Hajko ŭznaharodzili, a pad jaho asabista stvaryli ŭ HUBAZiK ceły adździeł, jaki jon uznačaliŭ.
U vyniku toj apieracyi šmat praciŭnikaŭ dyktatury, udzielnikaŭ ruchu za svabodnyja vybary apynulisia za kratami.
U bytavym płanie ŭ Hajko ŭsio zvyčajna — maje žonku i dzicia, žyŭ, pa apošnich źviestkach, u minskim spalnym mikrarajonie Malinaŭka. U 2019 hodzie jeździŭ adpačyvać va Ukrainu. Ciapier ža «Biełorusskij siłovik» radujecca kožny raz, kali rasijskaja rakieta ci dron padaje na ŭkrainski dom.
Kali vam važnaja praca, jakuju robiać žurnalisty «Našaj Nivy», padtrymajcie nas danatam praz «Patreon».
«Naša Niva» — bastyjon biełaruščyny
PADTRYMAĆApytanka
HUBAZiK źbirajecca manitoryć akcyi na Dzień Voli ŭ Biełarusi i za miažoj. Adkazny — sumnaviadomy Hajko
Hubazikaviec dzieviać miesiacaŭ byŭ u kamandzie Čornaj knihi Biełarusi. I ŭrešcie ŭznačaliŭ jaje
«Karty pakazvajuć, što jon dobry». Ja takaja: «B…, vy čo?». Novyja fakty pra ČKB i hubazikaŭca Artura ŭ joj
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni11
Kamientary
Posmotritie na łukašienko, posmotritie na švieda, posmotritie na tiertiela, posmotritie na volfoviča, posmotritie na šiejmana, o pieskariach, v vidie kočanovoj, krutoho nie choču ni pisať, nie hovoriť.
Pojmitie, sadisty iz hubopika, omona, khb zality mannoj niebiesnoj ot russkoho mira Rośsii (putina), probujut zaliť takoj žie mannoj niebiesnoj MO RB.
łukašienko sohłasien s etim s 1996 hoda, a vozmožno i rańšie.
Prosto šapka manomacha nie možiet byť natianuta na hołovu łukašienko, vied́ eto nie jesť prieziervativ.
To, čto, biełorusskoje, pušiečnoje miaso nie nachditsia v okopach Ukrainy, eto jesť nie zasłuha łukašienko, prosto, riadovyje biełarusy (bieda v siemiejnych, nacionalnych ciennostiach, nie smotria na potuhi vieniamina minskoho), nie prinimajut ciennosti riadovoho rośsijanina, hotovoho podochnuť za vozmožnosť, bieznakazanno, nasiłovať hrabiť, ubivať i za śpisanije krieditov. A značit, biełarus, apriori, v ukrainskich okopach niebłahonadiožien. Imiejem opytku kontrola, informacionnuju, s storony Rośsii i jejo russkoho mira, nasilnikov i janyčar iz hubopika, KHB, MVD, MO RB v cielach i intieriesach Rośsii, i russkoho mira Rośsii.
Eto prodołžajetsia s 1996 hoda, prosto vylezło naružu i zaihrało vsiemi kraskami, pośle 9 avhusta 2020 hoda.
Čitajtie, včierašnije zajavy hryzłova..........