«Zdavajciesia ŭ pałon! Vas čakaje trochrazovaje haračaje charčavańnie». Ukraincy apublikavali zvarot da sałdat KNDR
Prajekt Minabarony «Chaču žyć», jaki dapamahaje rasijskim vajskoŭcam zdacca va ŭkrainski pałon, źviarnuŭsia da paŭnočnakarejskich vajskoŭcaŭ, jakich Pchieńjan adpraviŭ na vajnu.
23.10.2024 / 14:19
Skryn videa prajekta «Chaču žyć»
«Źviartajemsia da bajcoŭ Karejskaj Narodnaj armii, jakich adpravili dapamahać pucinskamu režymu. Vy nie pavinny biessensoŭna pamirać na čužoj ziamli. Nie treba paŭtarać los sotniaŭ tysiač rasijskich sałdat, jakija ŭžo nikoli nie viernucca dadomu!
Zdavajciesia ŭ pałon! Ukraina prytulić vas, nakormić i abahreje! Tysiačy rasijskich sałdat zrabili pravilny vybar i ciapier čakajuć zakančeńnia vajny ŭ dobrych umovach: kamfortnyja kazarmy, trochrazovaje haračaje charčavańnie, miedycynskaje absłuhoŭvańnie», — havorycca ŭ zvarocie, jaki apublikavany na ruskaj i karejskaj movach.
Na minułym tydni paŭdniovakarejskaja raźviedka paviedamiła pra adpraŭku na vajnu va Ukrainu, čakajecca, što ich budzie 12 tysiač, u tym liku lotčyki.
{POLL#1250}
Paŭdniovaja Kareja paabiacała adkaz na ŭciahvańnie KNDR u vajnu va Ukrainie
Ukraina apublikavała VIDEA ź dziasiatkami sałdat KNDR, jakija atrymlivajuć rasijskuju formu
HUR Ukrainy: U listapadzie na vajnie akažucca 11 000 sałdat z KNDR