Ukraina apublikavała VIDEA ź dziasiatkami sałdat KNDR, jakija atrymlivajuć rasijskuju formu
Ukrainski centr stratehičnych kamunikacyj apublikavaŭ videa, na jakim, jak śćviardžajecca, paŭnočnakarejskija sałdaty atrymlivajuć rasijski ryštunak. Heta nibyta niadaŭna atrymanyja kadry, jakim nie bolš za 72 hadziny.
«Heta Siarhiejeŭski palihon na Dalokim Uschodzie Rasii», — havorycca ŭ paviedamleńni.
Vydańnie «Važnyje istorii» vyśvietliła, što na videa sapraŭdy čuvać karejskuju movu. Adzin z sałdat pytajecca na karejskaj: «Što heta?» Taksama vyrazna čutno słova, jakoje pierakładajecca jak «vada».
Napiaredadni ŭ telehram-kanale Para Pax, taksama, jak vyhladaje, źviazanym z ukrainskimi śpiecsłužbami, źjavilisia jašče dva videa, jak śćviardžajecca, z sałdatami z KNDR na palihonie. «Heta tolki pačatak, tam jašče dalej», — kamientuje apieratar. Na videa čuvać vykryki adnaho z sałdat.
Dva ekśpierty, jakich ananimna apytali «Važnyje istorii», paćvierdzili, što na hetych kadrach taksama «nierazborliva havorać pa-karejsku» — pra heta śviedčać kančatki vymaŭlenych słoŭ.
Ukrainski OSINT-prajekt CyberBoroshno hieałakavaŭ videa — pa słovach analitykaŭ, jany taksama źniatyja ŭ Siarhiejeŭcy Prymorskaha kraju, niedaloka ad rasijskaj miažy z KNDR.
Raniej śpiecsłužby Ukrainy i Paŭdniovaj Karei zajavili, što KNDR źbirajecca adpravić u Rasiju 11-12 tysiač vajskoŭcaŭ. Praŭda, niezaležnych paćviardžeńniaŭ hetaj infarmacyi pakul što niama.
HUR Ukrainy: U listapadzie na vajnie akažucca 11 000 sałdat z KNDR
ZŠA nie paćviardžajuć adpraŭku va Ukrainu paŭnočnakarejskich vajskoŭcaŭ
KNDR śćviardžaje, što 1,4 młn čałaviek padali zajaŭki na ŭstupleńnie ŭ armiju
Pucin unios u Dziarždumu zakonaprajekt ab usieahulnym stratehičnym partniorstvie z KNDR
Rakietnym udaram ukraincy źniščyli kala Daniecka šaściarych aficeraŭ z KNDR — Kyiv Post
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary